Qostanaı oblysynyń ákimi Qumar Aqsaqalov tótenshe jaǵdaı rejımi jarııalanǵan óńirlerdegi sý tasqynyna qarsy is-sharalar jóninde Arqalyq qalasynda jedel shtab otyrysyn ótkizdi.
Áleýmettik kómek kórsetý, sý tasqyny saldaryn, atap aıtqanda baılanys, elektr energııasy, jol qatynasy, telefonııa, sanıtarlyq-epıdemıologııalyq jaǵdaıdy qalpyna keltirý jáne taǵy basqa máseleler qaraldy.
Ótken táýlikte TJM jáne ákimdikterdiń kúshimen 116 myń tekshe metrden astam erigen qar sý soryldy, 5,8 myńnan astam qapshyq jáne 370 tonna ınertti materıal tóseldi.
Avarııalyq-qutqarý jumystaryna 953 adam, 441 birlik tehnıka, 157 birlik sý aıdaý quraldary jáne 22 birlik júzý quraldary, 4 áýe tehnıkasy tartyldy. 38 eldi-meken elektr qýatynan ajyrap qaldy.
Qumar Aqsaqalov aqaýlardy joıý jumystaryn jedel júrgizýdi tapsyrdy.
