Bügın Ükımet otyrysynan keiın su tasqynyna bailanysty baspasöz mäslihaty öttı, dep habarlaidy "Adyrna" portaly.
Jiynda Su resurstary jäne irrigasiia ministrı Nūrjan Nūrjıgıtovke «Sızdı Jambyl oblysy äkımı bolǧannan berı jaqsy bılemız. Ol jaqsta da özıŋız ısker äkım retınde körıne qoiǧan joqsyz. Su ministrı retınde lauazymdy qyzmet atqaryp jatyrsyz. Keşe prezidentten sögıs estıdıŋız. Sız özıŋızdı Su ministrı boluǧa laiyqtymyn dep esepteisız be?» degen sūraq qoiyldy.
- Özıŋız dūrys aittyŋyz. Bügıngı künı Prezident tarapynan tärtıptık jauapkerşılıkke tartyldyq. Ary qarai osy jūmysqa laiyqty nemese laiyqty emes ekenım boiynşa Prezident şeşım qabyldaidy. Bız jūmysty qalai atqaryp jatqanymyzdy Prezident baǧalaidy, - degen ministr jauabynda haly, el aldyndaǧy jauapkerşılık turaly toqtalyp jatpady.
- Bügıngı künı ministrlıktıŋ jūmysy tötenşe jaǧdaiǧa bailanysty onyŋ saldaryn joiuǧa baǧyttalyp otyr. Alty aidyŋ ışınde bız qūqyqtyq bazany qalyptastyrdyq. Bügıngı är jergılıktı atqaruşy
organmen qandai jūmystardy atqaruymyz kerek, qandai kölemde ekenı jaily josparlarymyz bar. Alty aidyŋ ışınde sol auqymdy jūmystardy atqaruǧa eşqandai mümkındık bolǧan joq. Qyrküiek aiynan bastap osy bügıngı künge deiın mümkındık bolmady, - degen Su ministrı ministrlık saityndaǧy mälımetterdı tızbelep kettı.
Onyŋ aituynşa, bügıngı künı 20 su qoimasyn salu josparlanyp otyr.
- Men baiandamda aityp ketkendei, 9 su qoimanyŋ jobalauşy josparlary daiyndalyp jatyr. Altauy bırınşı jarty jyldyqta daiyn bolady. Odan bölek 15 qorǧanysta bar gidrotehnikalyq qūrylǧylardyŋ qaita jöndeu jūmystaryn qarastyryp jatyrmyz. Osy jūmystardyŋ arqasynda 134 eldı-mekennıŋ, jalpy sany ekı jüz myŋ asatyn halyqqa sudan tönetın qauıptı tömendetuge mümkındık bolady. Ärine, oǧan uaqyt kerek. Sol jūmystardy jedeldetuge küş salyp jatyrmyz», – dedı ol.
Eske sala keteiık, sala ministrı ötken aptada Prezidentten qataŋ sögıs alǧan.
Ūqsas jaŋalyqtar