Memleket basşysy Qasym-Jomart Toqaev şetelde jūmys ıstep jürgen ǧalymdardy elge şaqyrdy. Būl turaly ol bügın, 12 säuırde ötıp jatqan Ǧylym jäne tehnologiialar jönındegı ūlttyq keŋestıŋ otyrysynda aitty, dep habarlaidy «Adyrna» tılşısı Aqordaǧa sılteme jasap.
«Bügıngı jiynda şeteldık ǧylymi ortalyqtarda tabysty jūmys ıstep jürgen ǧalymdarymyzdy Qazaqstanǧa qaitaru maŋyzdy degen pıkır aityldy. Būl ūsynysty qoldaimyn jäne otandastarymyzdy öz zertteulerın Qazaqstanda jalǧastyruǧa şaqyramyn. Memleket öz tarapynan mūndai ǧalymdarǧa ūiymdastyruşylyq tūrǧydan jäne qarjylai naqty kömek körsetedı»,—dedı ol.
Prezident şetelde jūmys ısteitın ǧalymdardy būǧan deiın de şaqyrǧanyn atap öttı.
«Osy mäselenı mūqiiat oilastyru kerek. Ǧylym özınıŋ auqymy men sipaty jaǧynan jahandyq deŋgeide bolǧandyqtan būl jerde jalaŋ patriotizmge berılu orynsyz. Äitse de Qazaqstan aqyl-oidyŋ jahandyq bäsınen tys qalmauy kerek.
Öte bılımdı adamdar, sūranysqa ie ǧalymdar jaqsy jalaqy, zertteuge qolaily jaǧdai ızdep nemese jai ǧana jaŋa täjıribe üşın basqa memleketterge jiı qonys audarady. Myqty ǧalymdardyŋ keluı elımızdıŋ damuyna tyŋ serpın beredı ärı adami kapitaldyŋ sapasyn aitarlyqtai jaqsartuǧa yqpal etedı. Mūny älemdık täjıribe anyq körsetıp otyr»,—dep tolyqtyrdy Toqaev.
