12 säuır – Ǧylym qyzmetkerlerı künı. Sonymen bırge Qazaq ǧylym akademiiasynyŋ negızın saluşy, ǧūlama ǧalym, akademik Qanyş İmantaiūly Sätbaevtyŋ tuǧan künı. Biyl Qanyş İmantaiūlynyŋ mereitoiy – 125 jyldyǧy. Elımız kölemınde Q.İ. Sätbaevtyŋ mereitoiy keŋınen atalyp ötılude.
Qazırgı qoǧamdyq gumanitarlyq beiındegı ǧylymi-zertteu instituttarynyŋ basym bölıgı Q.İ. Sätbaevtyŋ köregendık saiasaty negızınde aşyldy. Şyǧystanu instituty täuelsızdık jyldary qūrylsa da, şyǧystanu zertteulerınıŋ alǧyşarttary ǧylym akademiiasynyŋ alǧaşqy jyldary paida boldy. Sol kezderı qazaq halqyna qatysty şyǧys derekközderı zerttele bastaldy, alǧaşqy ǧylymi eŋbekter jazyldy.
Bügıngı taŋda institut akademik R.B. Süleimenovtyŋ esımımen atalǧany, Sätbaev mektebınıŋ jalǧasy dep bılu kerek. Öitkenı Ramazan Bimaşūly — jazuşy, akademik Mūhtar Äuezovtyŋ şäkırtı. Al Sätbaev pen Äuezov ruhani jaǧynan syrlas, ärıptes boldy, ärı qazaq elınıŋ mūŋ-mūqtajyn tereŋ tüsıngen, bolaşaq ūrpaq üşın aianbai eŋbek etken bırtuar tau tūlǧalar edı. Sätbaevtyŋ mereitoiy bärımızge ortaq – ǧylym toiy - būl Sätbaev künı dep tüsınemız.
R.B. Süleimenov atyndaǧy Şyǧystanu institutynyŋ bas direktory, filol.ǧ.d., professor D.Mäsımhanūlynyŋ şeşımımen İnstiut qyzmetkerlerı M.Q. Äbuseiıtova, R.U. Karimova, D.Ä. Aitjanova, D.E. Mederova, R.Q. Iýsupov, E.S. Ahmetov, L.D. Äbenova, Z.K. Karimova, E.Q. Belǧoja, G.Ū. Sūraşeva ǧylym salasyndaǧy qajyrly eŋbegı men qol jetkızgen jetıstıkterı, sondai-aq otandyq ǧylymdy damytuǧa ülesı üşın 12 – säuır ǧylym qyzmetkerlerınıŋ künıne orai Qūrmet gramotalarymen marapattaldy.





