Qazaqstannyŋ oŋtüstıgınde asa qauıptı jūqpaly dert tırkeldı - bas sanitarlyq därıger

4423
Adyrna.kz Telegram
https://adyrna.kz/content/uploads/2019/07/sput.jpg
Jandarbek Bekşin Qazaqstanda jūqpaly aurulardyŋ taraluy turaly mälımet berdı
  Qazaqstannyŋ bas sanitarlyq därıgerı Jandarbek Bekşin eldıŋ oŋtüstık öŋırınde tūrǧyndar Kongo-Qyrym gemorragiialyq qyzbasyn jūqtyrǧanyn aitty, dep habarlaidy Sputnik Qazaqstan tılşısı.

"9 jaǧdai tırkeldı. Qyzylorda oblysynda 4 adam jäne Türkıstan oblysynda 4 adam jūqtyrǧan. Taǧy bır adam būl aurudy Özbekstan Respublikasynan jūqtyrypty", - dedı ol ortalyq kommunikasiialar qyzmetınde ötken brifingte.

Osy oraida Jandarbek Bekşin şetelge şyǧatyn qazaqstandyqtarǧa saq boluǧa keŋes berdı. "Öte jūqpaly aurulardyŋ bar ekenın esten şyǧarmauymyz kerek. Mysaly, denge bezgegı. Soŋǧy ekı jylda 9 qazaqstandyq turist osy auruǧa şaldyqty. Qazaqstandyqtar Ündıstan, Tailand, Vetnam, Singapurde bolyp, ekzotikalyq derttı jūqtyrǧan", - dedı bas sanitarlyq därıger. Sonymen qatar Bekşin tyrysqaq jūqtyrǧan 10 nauqas tırkelgenın atap öttı. "Būl jaǧdai qysta tırkeldı. Ündıstandyq turister Şymbūlaqqa kelgende belgılı boldy. Osy auru der kezınde anyqtalyp, Qazaqstannyŋ basqa öŋırlerıne tarauǧa jol berılmedı", - deidı ol. Söz soŋynda bas sanitarlyq därıger şetelde demalǧysy keletın turisterge düniejüzılık densaulyq saqtau ūiymynyŋ resmi saityna kırıp, tiıstı aqparat aluǧa keŋes berdı.
 
Pıkırler