Qazaqstandyq Dıana Kaıýmova Bishkekte ótip jatqan kúresten Azııa chempıonatynda qola medal jeńip aldy, dep habarlaıdy “Adyrna” portaly QR Ulttyq Olımpıada komıtetiniń (UOK) aqparatyna siltep.
«Áıelder kúresinen Qazaqstan quramasynyń ókili Dıana Kaıýmova Bishkekte ótken Azııa chempıonatynyń qola júldegeri atandy. Ol 59 kelige deıingi salmaqta úshinshi orynǵa taban tiredi. Úshinshi oryn úshin beldesýde ol úndistandyq Iadav Pýshpaǵa qarsy shyqty. Kezdesý 11-8 esebimen Kaıýmovanyń jeńisimen aıaqtaldy», - delingen senbi kúni taraǵan habarda.
UOK búgin Elmıra Syzdyqova (76 kelige deıin) men Albına Qaıyrgeldınova (68 kelige deıin) qola úshin talasatynyn aıtty.
«Zúlfııa Iahıarova (55 kelige deıin) úshinshi oryn úshin beldesýde jeńilip qaldy», - delingen habarlamada.
