Túrkistan oblysy, Kentaý qalasynda jańbyrdyń saldarynan kóshelerge s jınaldy, dep habarlaıdy "Adyrna" tilshisi.
Sý tasqynynyń beınesi áleýmettik jelide jarııalanǵan. Oqıǵa 15 sáýirde bolǵan.
Kadrlarda kólik joldary men bazar ishi de sýǵa tolyp ketip, saldarynan kásip ıeleriniń birshama zattary búlingenin baıqaýǵa bolady. Al turǵyndar avtobeket pen bazar ishindegi tobyqtan asatyn sýdy keship júrýge májbúr bolǵanyn aıtqan.
Sondaı-aq beıresmı jazbalarda jańbyr sýy Bala Búrgem eldimekenindegi úı aýlalaryna deıin jetip, keı úılerge zaqym kelgeni aıtylýda. Tipti bir úıdiń aýlasy men qosymsha qurylys nysanynyń ishine kirgen sý ekinshi jaǵynan tesip shyǵyp jatqanyn turǵyndar vıdeoǵa túsirip alǵan.
"15 sáýir kúni saǵat 16:00-den 17:10-ǵa deıin bolǵan jaýyn-shashynnyń saldarynan Kentaý qalasyndaǵy 3 jeke turǵyn úı men 1 úıdiń jertólesin sý basty. TJD kúshteri men jergilikti ákimdik qyzmetkerleri tarapynan sýdy sorý jáne burý jumystary júrgizildi. Jaǵdaı turaqty", – delingen ákimdik málimetinde.
