Almaty qalasyna kelýshi týrıster aǵyny artqan. Ulttyq statıstıka bıýrosynyń málimeti boıynsha, 2023 jyly Almatyǵa týrısterdiń jalpy sany 2 038 417 adamdy qurady, bul 2022 jylmen salystyrǵanda 12,6%-ǵa jáne 2019 jylǵy pandemııa aldyndaǵy deńgeıden 52,7%-ǵa artyq.
Sheteldik týrıster sanynyń 2022 jylmen salystyrǵanda ósimi 29,5%-dy qurady, ıaǵnı, 540 744 adam shahardyń tynys-tirshiligimen tanysýǵa kelgen. Bul kórsetkish Almatyny Qazaqstannyń basqa qalalary arasynda týrıstik áleýeti jaǵynan kóshbasshy ekenin aıqyndady. 2019 jylmen salystyrǵanda qaladaǵy sheteldik týrıster sany 24,1%-ǵa ósti.
Týrızm salasynda jumyspen qamtylǵandar sany 10,4%-ǵa ósip, 80 983 adamdy nemese Almaty qalasynyń jalpy jumys isteıtin halqynyń 7,7%-yn qurady. Týrızm salasyna ınvestıııanyń 47,7%-ǵa ósimi 106,4 mlrd. teńgege jetti, bul negizgi kapıtalǵa salynǵan ınvestıııanyń jalpy kóleminiń 6%-y.
Ótken jyly Almaty qalasynyń týrızm sektoryndaǵy salyq túsimderi 64%-ǵa ósip, 71,7 mlrd. teńgeni qurasa, jergilikti bıýdjettiń jalpy salyqtyq túsimderindegi úlesi 5%-ǵa jetti.
Qalalyq týrızm basqarmasynyń málimetinshe, kórsetkishterdiń ósýi Almatynyń týrıstik baǵyt retinde tartymdylyǵynyń artqanyn kórsetedi. Óz kezeginde týrıstik qyzmetter men ınfraqurylymǵa suranystyń artýy týrızm salasyna ınvestorlar tartý úshin, jańa jumys oryndaryn qurý jáne sapaly qyzmet kórsetýdi úshin jaqsy kórsetkish.
2023 jyly týrızmdi damytýǵa jergilikti bıýdjetten 2,1 mlrd teńge bólindi. Bul rette jumsalǵan 1 teńge salyq túrinde bıýdjetke 34,14 teńge kóleminde qaıtaryldy, bul týrızm salasynyń qala ekonomıkasyna qosqan oń úlesi men tıimdiligin kórsetedi.
Sońǵy 5 jylda Almatyda 1345 nómiri bar 12 qonaqúı ashyldy, onyń ishinde jelilik qonaqúıler de bar (Hilton, Accor jáne InterContinental). 2027 jyly bólmeler sanyn 1,5 ese ulǵaıtyp, 17 myń bólmege jetkizý josparlanýda. Aǵymdaǵy jyldyń maýsym aıynda Almaty halyqaralyq áýejaıynda eki ese kóp kelýshilerdi (14 mln adamǵa deıin) qabyldaýǵa múmkindik beretin jańa jolaýshylar termınalyn iske qosý kútilýde.
