Bügın Mäjılıs «Mass-media turaly» turaly zaŋdy jäne keibır zaŋnamalyq aktılerge mass-media mäselelerı boiynşa özgerıster men tolyqtyrular engızudı közdeitın zaŋdy ekınşı oqylymda qabyldady, - dep habarlaidy “Adyrna” ūlttyq portaly.
Qūjatty tanystyrǧan Mäjılıs deputaty Janarbek Äşımjan zaŋ jobasyn äzırlep, pysyqtauǧa belsendı qatysqan qoǧam müşelerıne alǧys bıldırdı.
– Zaŋ jobasynda jekelegen jurnalisterge oŋailatylǧan akkreditteu qūqyǧyn beretın «baspasöz kartasyn» engızu jönındegı norma ūsynylǧan. Aşyǧyn aitu kerek, būl norma jūmys tobynda, jalpy qoǧam ışınde ülken pıkırtalas tudyrdy. Jūmys tobyndaǧy müşelerdıŋ basym bölıgı būl normany demokratiialyq prinsipterge qaişy, jurnalisterdı alalau, jan-jaqty aqparat taratuǧa kedergı keltıretın norma dep baǧalady.
Sondyqtan būl norma boiynşa naqty şeşım qabyldandy – «press-karta» turaly norma joiyldy, – dedı deputat.
Ötken jyldyŋ qazan aiynda Mädeniet jäne aqparat ministrı Aida Balaeva «Būqaralyq aqparat qūraldary turaly» zaŋ jobasy aiasynda memlekettık tılde teleradioarnalarda habar taratu 50 paiyzdan 70 paiyzǧa deiın arttyru ūsynylyp otyr degen bolatyn.
– Qazaqstan halqynyŋ 80 paiyzdan astamy memlekettık tıldı meŋgergen. Osy faktorlardyŋ bärın eskere otyryp, memlekettık tıldegı teleradio habarlaryn taratu kölemın 70 paiyzǧa jetkızu turaly şeşım qabyldandy. Aita ketu kerek, ol bırte-bırte ıske asyrylady. 2025 jyldan bastap jyl saiyn 5 paiyzǧa ösıru közdelgen, – degen edı ministr.
Äitse de būl norma jaŋa zaŋ jobasynda 60/40 paiyz boiynşa enıp otyr. Jiynnan keiın jurnalister Mädeniet jäne aqparat vise-ministrı Qanat Ysqaqovqa «Äu basta qazaq tılınde aqparat 70, al orys tılınde 30 paiyz bolsyn dep ūsynys aitylyp edı. Ol nege 60 paiyzǧa tüsıp qaldy?» dep sūraq qoidy.
– Är bır norma talqylanyp, dauys berıledı. Bır jaǧynan bız köpūltty memleket bolǧandyqtan elde özge ūlt ökılderı bar ǧoi. Olar da aqparatqa mūqtaj. Sondyqtan deputattar osy mäselenı zerttep, zerdelep, tiıstı taldau ötkızıp şeşım qabyldady. Aqparat taratuda 60/40 paiyz öte tiımdı. Qazırgı taŋda qazaq tıldı kontent öte joǧary, endı ony odan ary ırgeletıp damytsaq, 70 paiyzǧa jetkızude eşqandai mäsele joq, – dedı vise-ministr.
Ūqsas jaŋalyqtar
