Kökşetauda su basu aimaǧynda qalǧan zardap şekken tūrǧyndarǧa pəter kıltterı tapsyryldy. Aqmola oblys äkımdıgınıŋ mälımetınşe, pəter kıltterın öŋır basşysy Marat Ahmetjanov tabys ettı, ol memleket zalaldy azaitu üşın barlyq şaralardy qoldanyp jatqanyn atap öttı.
«Memleket basşysynyŋ tapsyrmasy boiynşa Aqmola oblysynda azamattardyŋ qauıpsızdıgın qamtamasyz etu jəne olardyŋ qajettılıkterın şeşu boiynşa ülken jūmys jürgızılude. Bügın sız pəter alǧan alǧaşqy adam boldyŋyz. Otbasylaryŋyzda bərı jaqsy bolyp, qiynşylyqtar artta qalsyn», – dedı oblys äkımı Marat Ahmetjanov.Memlekettık qordan alǧaşqy tūrǧyn üi aluşylar Qaparovtar jəne Nikulinder köpbalaly otbasylary boldy. Alynǧan pəterlerdı tūrǧyndar özderı taŋdady. Pəterde tūru üşın qajet nərsenıŋ bərı bar.
«Prezidentke bızdıŋ məselelerımızdı tez şeşkenı üşın alǧys aitamyz. Bızdıŋ otbasymyz üşın būl ülken quanyş, balalar riza, barlyǧyna ülken rahmet. Bız öz tarapymyzdan osy üide tek quanyşty sətterdıŋ boluyna tyrysamyz», – dep quanyşymen bölıstı Səule Qaparova.Memleket basşysynyŋ tapsyrmasy boiynşa Aqmola oblysynda zardap şekkenderge barlyq qajettı qoldau körsetıletının jəne azamattardyŋ mülkın qalpyna keltıru boiynşa barlyq şaralar qoldanylyp jatqanyn atap ötken jön. Öŋırde şyǧyndardy öteu jəne joiu jönındegı jūmys tūrǧyn üi qatynastary turaly qoldanystaǧy zaŋnama şeŋberınde jalǧastyrylatyn bolady. Keşe oblys ortalyǧynyŋ 174 otbasy 65 mln teŋgeden astam somaǧa bırjolǧy tölem aldy. Sondai-aq, materialdyq şyǧyndardy baǧalau jəne öteu jönındegı komissiia 12 otbasyna 8 mln teŋgeden astam kölemde materialdyq zalaldy öteu turaly şeşım şyǧardy. Sonymen qatar, arnaiy komissiia qazırgı uaqytta tūrǧyn üidıŋ odan ərı tūruǧa jaramdylyǧyn anyqtau boiynşa tehnikalyq tekseruler jürgızude.
