Aqmola oblysy densaýlyq saqtaý basqarmasynyń málimetinshe, Aqmola jáne Soltústik Qazaqstan oblystarynyń basqarmalary arasyndaǵy tótenshe jaǵdaıda shuǵyl medıınalyq kómek kórsetý týraly kelisim sheńberinde Kókshetaý qalasynan sanıtarlyq avıaııa dárigerleri Taıynsha aýdanynyń turǵyndaryna kómekke bardy.
Óńirdiń sanıtarlyq avıaııa jelisine júktiliktiń 28 aptasyndaǵy áıeldi shuǵyl kesar tiligi arqyly bosandyryp alý jóninde shaqyrtý túsken. Áıel eki balany dúnıege ákelgen, onyń biri salmaǵy 930 gramm ul bala da, ekinshisi salmaǵy 900 gramm qyz. Merziminen buryn týǵandyqtan nárestelerdiń ekeýiniń de salmaǵy tómen jáne tynys alýynda qıyndyqtar bolǵan.
Shaqyrtý boıynsha neonatolog - dáriger Tatıana Shafıgına men medbıke Marına Cherepashkova shuǵyl túrde kómekke bardy. Dárigerler ul balany jaǵdaıy turaqtalǵan soń Kókshetaý qalasyndaǵy Aqmola oblystyq kópeıindi aýrýhanasynyń perınataldyq ortalyǵyna alyp keldi. Al onyń syńary Taıynsha aýdandyq ortalyq aýrýhanasynda jergilikti dárigerlerdiń baqylaýymen em qabyldaýda. Qyz balanyń densaýlyǵy boıynsha bilikti dárigerler táýlik boıy konsýltaııa jasaýda.
«Osyndaı tótenshe jaǵdaı kezinde dárigerlerdiń yntymaqtastyǵy men kásibıligi ózara kelisilgen is-qımyldardyń mańyzdylyǵyn bildirip qoımaıdy, sonymen birge, óńirdegi medıınalyq kómektiń joǵary deńgeıde ekenin kórsetedi», - deıdi Aqmola oblysy densaýlyq saqtaý basqarmasynyń baspasóz hatshysy Kamıla Ábdilmanova.
