Qaraǵandyda "Meniń úıim, meniń aýlam, meniń kóshem, meniń qalam, meniń elim" degen uranmen "Úzdik aýla" ekologııalyq akııasy ótti. Qalanyń 500-ge jýyq turǵyny PIK-pen birlesip aýla aýmaqtaryn tazalaýǵa shyqty. Bul akııany jaqyn mańdaǵy Temirtaý, Shahtınsk, Saran, Abaı qalalarynyń turǵyndary qoldady. Búgingi kúni oblys boıynsha 1000-nan astam azamat aýla aýmaqtary men kireberisterin retke keltirýde.
Kooperatıv tóraǵasy Lıýdmıla Davydova jumyla jasaǵan jumys aýyzbirlikti nyǵaıtyp qana qoımaı, óz aýlańdy kóriktendirýge kómektesetinin atap ótti.
Qalalyq máslıhat depýtaty Aleksandr Bocharov qaraǵandylyqtardy "Taza Qazaqstan" akııasyna belsendi qatysýǵa jáne shaharymyzdy barshaǵa yńǵaıly ári kórikti etý úshin tazalyq sharalaryna úles qosýǵa shaqyrdy.
– Balalar ata-analaryna aýla men alańdardy tazalaýǵa kómektesti. Meniń oıymsha, bul óskeleń urpaq úshin tamasha úlgi, – dep atap ótti Aleksandr Bocharov.
Ekoakııa aıasynda 1000 qap qoqys jınaldy.
"Taza Qazaqstan" akııasy bastalǵannan beri barlyǵy 4 myń tonnadan astam qoqys shyǵaryldy.
