Mäjılıs töraǧasy Erlan Qoşanov Qytai Halyq Respublikasyna resmi sapary aiasynda Ürımşıge keldı. Onda Qytai Halyq Respublikasynyŋ Şyŋjaŋ-Ūiǧyr avtonomiialyq audany Qytai kommunistık partiia komitetınıŋ hatşysy Ma Sinjuimen kezdestı.
Taraptar ekı jaqty, sonyŋ ışınde öŋıraralyq yntymaqtastyqtyŋ jai-küiı men keleşegın talqylady.
– Byltyr Prezident Qasym-Jomart Toqaev Şyŋjaŋ-Ūiǧyr avtonomiialyq audanynda boldy. Odan keiın Sız Qazaqstanǧa jūmys saparymen keldıŋız. Būl oqiǧalar Şyŋjaŋ men Qazaqstannyŋ şyǧys oblystary arasyndaǧy öŋıraralyq bailanystarǧa tyŋ serpın berdı. 1783 şaqyrymǧa sozylǧan ortaq şekaramyz bar. Oǧan qosa, osy Şyŋjaŋ aumaǧynda bızdıŋ 1,6 millionnan astam qandasymyz, qazaq bauyrymyz tūrady. Olar Qazaqstan men Qytai arasyndaǧy «altyn köpırge» ainaldy, – dedı Erlan Qoşanov.
Mäjılıs töraǧasy Şyŋjaŋ Qazaqstan üşın dostas Qytaiǧa jol aşatynyn jäne būl onyŋ ekı el arasyndaǧy mäŋgılık jan-jaqty strategiialyq ärıptestıktı nyǧaitudaǧy rölın körsetetının atap öttı.
Jiyn barysynda Mäjılıs töraǧasy ekı eldıŋ deputattary özara kelısımder men uaǧdalastyqtardyŋ oryndalu sapasyn jüielı türde baqylai alatynyn atap öttı.
Basqosuda sauda-ekonomikalyq saladaǧy yntymaqtastyq mäselelerı de qozǧaldy.
– Qazaqstannyŋ Qytaimen sauda-sattyǧynyŋ jartysynan astamy Şyŋjaŋ-Ūiǧyr avtonomiialyq audanyna tiesılı. Ösu qarqyny köŋıl quantady. Būǧan byltyr qaraşa aiynda engızılgen vizasyz rejim oŋ äser etkenı sözsız. Jaqynda Prezident Qasym-Jomart Toqaevtyŋ tapsyrmasymen Ürımşı qalasynda QazTrade sauda ökıldıgı aşylady. Onyŋ qyzmetı ekı el arasynda ıskerlık bailanystardy nyǧaituǧa baǧyttalady, – dedı Erlan Qoşanov.
Taraptar Qazaqstan aumaǧynda elektrondy saudany damytu üşın bırlesken öŋırlık qoima infraqūrylymyn qūru ideiasyn da talqylady. Sondai-aq kölık-logistika, auyl şaruaşylyǧy, transşekaralyq su resurstary jäne turizm salalaryndaǧy yntymaqtastyq mäselelerıne erekşe nazar audaryldy.
Öz kezegınde Ma Sinjui Prezident Qasym-Jomart Toqaevtyŋ Şyŋjaŋ-Ūiǧyr avtonomiialyq audanyna jasaǧan saparynyŋ maŋyzdylyǧyna toqtaldy. Bügıngı taŋda Şyŋjaŋnyŋ Qazaqstan öŋırlerımen yntymaqtastyǧy būryn-soŋdy bolmaǧan tarihi deŋgeige jettı. Ol Qazaqstan Qytaidyŋ «Bır beldeu, bır jol» jahandyq bastamasyn jüzege asyrudaǧy negızgı strategiialyq serıktesı ekenın atap öttı. Jaqyn arada «Aiagöz-Tachen» üşınşı temırjol şekara ötkelınıŋ qūrylysy bastalady. Ol Şyŋjaŋnyŋ Qazaqstannyŋ şekaralas oblystarymen bailanysyn odan ärı keŋeitıp, Qytaidyŋ Ortalyq Aziiaǧa altyn qaqpasy retındegı rölın nyǧaitady.
- Qazaqstan reformalardy jüielı türde jürgızude. Bız sızder üşın quanyştymyz. Prezident Toqaev bastaǧan reformalar öz jemısın beredı dep senemız. 2029 jylǧa qarai Qazaqstan ekonomikasynyŋ ösuı qarapaiym azamattardyŋ ömırıne ekı ese oŋ äser eterı sözsız. Būl jerde Qytai men Qazaqstannyŋ äleuetı bailanysty jäne bır-bırın tolyqtyratyny maŋyzdy. Bızdıŋ energetika, auylşaruaşylyǧy, gumanitarlyq salada bolaşaǧymyz zor, - dedı Ma Sinjui.
Sapar barysynda Mäjılıs delegasiiasy Qytaidaǧy eŋ ırı auyl şaruaşylyǧy tehnikasyn öndıruşı «Xinjiang Xinyan» kompaniiasynyŋ qyzmetımen tanysty.
