Jambyl oblysy Baizaq audanynyŋ prokuraturasy 465 gektar jerdı zaŋsyz beru faktısın jäne paidalanylmai jatqan 4292 gektar jer telımın anyqtady. Būl turaly oblystyq prokuratura aitty, dep habarlaidy «Adyrna» tılşısı.
Būl uchaskelerdıŋ kadastrlyq qūny 55 mln teŋgeden asady.
«Jergılıktı atqaruşy organǧa engızılgen prokurorlyq qadaǧalau aktısı negızınde sotqa deiıngı tärtıppen paidalanylmai jatqan jer uchaskelerı tolyq qaitaryldy. Al qalǧan zaŋsyz berılgen jerler boiynşa sotqa jerdı jalǧa alu şarttaryn jaramsyz dep tanu turaly talap aryz berıldı»,— delıngen habarlamada.
Jambyl oblysy boiynşa mamandandyrylǧan audanaralyq ekonomikalyq sottyŋ 13.02.2024 jylǧy şeşımımen talap aryz qanaǧattandyrylyp, 465 gektar jer memleketke qaitaryldy.
Būl jer uchaskelerı aldaǧy uaqytta şarua qojalyqtaryna zaŋda belgılengen tärtıppen beru arqyly şaruaşylyq ainalymyna tartylady.
