Aqmola oblysynyŋ äkımdıgı su tasqynynan zardap şekken azamattarǧa tūrǧyn üiler salu turaly memorandumǧa qol qoidy

Qazaqstan halqyna» QQ su tasqynynan zardap  Aqmola oblysynyŋ Būlandy jäne Jarqaiyŋ audandarynda 87 üi salyp beredı. Tūrǧyn üiler Aqmola oblysy äkımdıgı ūsynǧan tiptık joba boiynşa qordyŋ qarjysyna salynady. Memorandum barlyq räsımderdıŋ aşyqtyǧyn jäne qūrylys jūmystarynyŋ bükıl kölemın qūjattamalyq qamtamasyz etudı saqtai otyryp, qysqa merzımde qaiyrymdylyq maqsatqa jetu üşın bırlesken täsılderdı, taraptardyŋ jauapkerşılıgın jäne funksiialardy böludı anyqtaidy. «Prezidenttıŋ bastamasymen qūrylǧan «Qazaqstan halqyna» qory halyqtyŋ özektı mäselelerın şeşuge baǧyttalǧan. Bırlesken jobamyz tiımdı jüzege asyp, küzge deiın jüzge juyq otbasy qonys toiyn toilaitynyna senımdımın», - dedı Aqmola oblysynyŋ äkımı Marat Ahmetjanov. «Bızdıŋ maqsatymyz – tabiǧi apattan zardap şekken öŋırlerdegı 500-den astam otbasyny jaily baspanamen qamtamasyz etu, būl üşın qarajat pen qaiyrymdylyqty jinau mamyr aiynyŋ soŋyna deiın ūzartyldy», - dedı Qor basqarma töraǧasynyŋ orynbasary Läzzat Şyŋqysbaeva. Jergılıktı atqaruşy organdar su basqan aimaqtardaǧy zalaldy baǧalaudy jäne qūrylysqa qajettı qorytyndylardy daiyndaudy, onyŋ ışınde bolaşaqta su basu qaupı joq jerlerde jaŋa üiler üşın jer telımderın böludı, injenerlık-kommunikasiialyq infraqūrylymdy daiyndaudy qamtamasyz etedı. Serıktestıktıŋ mındettı şarty keşendı saraptamany jäne Qazaqstan Respublikasynyŋ zaŋnamasynda közdelgen basqa da rūqsat beretın qūjattamany alu, onyŋ ışınde tüsındıru jūmystaryn jürgızu jäne zardap şekken tūrǧyndarmen jobany kelısu bolyp tabylady. Barlyq kezeŋderdıŋ aşyqtyǧy men monitoringı üşın jūmys tobynyŋ qūramyna jergılıktı atqaruşy organdar men täuelsız sarapşylyq (baǧalau) qūrylymdarynyŋ ökılderımen qatar qoǧamdyq ūiymdardy engızu ūsynyldy. Tūrǧyn üi qūrylysyna qatysty barlyq materialdar qordyŋ resmi saitynda «Su tasqyny-2024» bölımınde jariialanady. Būǧan deiın «Qazaqstan halqyna» QQ Batys Qazaqstan, Soltüstık Qazaqstan jäne Qostanai oblystarynyŋ äkımdıkterımen tūrǧyn üiler salu turaly memorandumdarǧa qol qoiǧan bolatyn, su tasqynynan zardap şekken basqa oblystardyŋ äkımdıkterımen de osyndai jūmystar jürgızılıp jatyr. 8 säuırde Qordyŋ Qamqorşylyq keŋesı tötenşe jaǧdaidyŋ saldaryn joiuǧa 10 mlrd teŋge bölu turaly şeşımdı bekıttı. Sonymen qatar, 1 säuır men 31 mamyr aralyǧyndaǧy barlyq tüsken qarajat osy maqsattarǧa jūmsalatyn bolady.