Elordalyq jurnalist, bloger Samat Ysqaqov özın polisiia qyzmetkerlerı ūstap äketkenın aitty. Oqiǧa 1 mamyrda bolǧan, dep habarlaidy «Adyrna» tılşısı.
«Fitnesten şyqqan keiın jaǧalauda seruendep jürdım. Sol kezde jergılıktı polisiia qyzmetkerı sömkem men qūjattarymdy körsetudı sūrady. Men qarsylyq tanytpadym. Keiın uchaskelık poliseidıŋ bastyǧy kelıp, būl prosedura qaitalandy. Barlyǧy aiaqtalǧan soŋ üiıme qaittym. Osy kezde arnaiy jasaq kelıp, menı alyp kettı. Kölık salonynda telefonymdy küştep tartyp aldy»,—dedı ol.
Būǧan deiın oppozisiianyŋ mitingısı jaǧalauda ötetını aitylyp, 1 mamyrda osy maŋda polisiia baqylauy küşeigen bolatyn.
Bloger polisiia bölımşesınde saǧat 12:00-den 18:00-ge deiın bolǧanyn jetkızdı. Keiın ony aiyp taqpai bosatyp jıbergen.
Ysqaqovtyŋ aituynşa, onyŋ sömkesı men qūjattaryn poliseiler ekı ret tekserıp, eldegı qoǧamdyq-saiasi jaǧdaiǧa qatysty pıkırın de sūraǧan. Baiqoŋyr audandyq polisiia bölımınde blogerden sausaq ızderı alynyp, suretke tüsırılgen.
2 mamyrda Astanada ūstalǧan bloger Azattyqqa prokuraturaǧa şaǧymdanǧanyn mälımdedı. Jurnalist jaqyndaryna jäne advokatqa habarlasuǧa mümkındık berılmegenın atap öttı.
"Menı alty saǧat boiy ūstaǧany qanşalyqty zaŋdy degen sūraq tuyndaidy. Olar bırneşe ret ūialy telefonymdy tekserdı, zaŋǧa qaişy eşteŋe taba almady. Menıŋ barlyq derekterımdı tekserdı. Poliseiler, jai kiım kigender äleumettık jelıdegı akkaunttarymdy qarady",–dedı ol.
