Prezident qaryz aluşynyŋ boryşyn memleket tarapynan öteu bır rettık aksiia ekenın atap öttı
Qazaqstannyŋ prezidentı Qasym-Jomart Toqaev tūrmysy tömen azamattardyŋ bereşegın öteu şaralary jaiynda sūrady, dep habarlaidy Sputnik Qazaqstan tılşısı.
Ūlttyq bank töraǧasy Erbolat Dosaevtyŋ aituynşa, qazırgı kezde osy sanatqa jatatyndardyŋ tızımı jasalyp jatyr. Odan keiın eŋbek jäne halyqty äleumettık qorǧau ministrlıgınen tiıstı mälımetter alynady.
"Tızımderdı salystyru jūmysy osy aptada aiaqtalady. Al kelesı aptadan bastap şıldenıŋ aiaǧyna deiın bankter jäne mikroqarjylandyru ūiymdary problemalyq kreditter qorymen tiıstı kelısımderdı räsımdeidı. Al memlekettık kredit biurosy 300 myŋ teŋgege deiın bereşegı keşırıletın azamattardyŋ tızımın jasaidy. Al aiyppūl men ösımpūldardy öteu şaralary tamyzǧa deiın aiaqtalady", - dedı Dosaev.
Prezident būl jūmysty jıtı baqylauda ūstaudy tapsyrdy. "Bıraq bır närsenı qaitalap öteiıp, būl – bır rettık aksiia. Odan keiın bız mūnymen köp ainalysa almaimyz. Köp ainalysuǧa qūqyǧymyz da joq. Degenmen, aitqanymyzdy uaqytynda jäne sapaly türde jasauymyz qajet", - dedı Toqaev."Adyrna" ūlttyq portaly
