Aqmola oblysynda Raqymjan Qoshqarbaev pen Saǵadat Nurmaǵambetovtyń 100 jyldyǵyna arnalǵan is-sharalar serııasy bastaldy. QR QM Sh.Ýálıhanov atyndaǵy Kadet korpýsynyń bazasynda Aqmola oblysynyń ákimi Marat Ahmetjanovtyń qatysýymen Otan qorǵaýshylar kúnine, Jeńis kúnine jáne aty ańyzǵa aınalǵan jerlesterimizdiń mereıtoılaryna arnalǵan oblystyq saptyq án baıqaýy ótti.
Óńir basshysy óziniń quttyqtaý sózinde barlyq qatysýshylardy árbir qazaqstandyq úshin mańyzdy merekelermen quttyqtap, balalarǵa óz memleketin, onyń tarıhyn qurmettep, óz Otanynyń laıyqty qorǵaýshysy bolýyna tilek bildirdi.
«Otan qorǵaýshylar kúni men Jeńis kúni qarsańynda mektepter men kolledjderdiń oqýshylary arasynda saptyq jáne án baıqaýlaryn ótkizý dástúrge aınaldy. Bul jaı ǵana baıqaý emes, sizderdiń uıymshyldyq, úılesimdilik jáne komandada jumys isteý bilý qabiletterińizdiń jarqyn kórsetkishi. Árıne, osyndaı is-sharalardyń arqasynda óskeleń urpaqtyń úlkenderge degen qurmet pen Otanǵa degen súıispenshilik sezimderi oıanady. Bizdiń jerlesterimiz - Batyrlar Saǵadat Nurmaǵambetov pen Raqymjan Qoshqarbaev - elimiz úshin otansúıgishtik men batyrlyqtyń úlgisi. Árbir qazaqstandyqtyń mindeti – osy qundylyqtardy qorǵaý», - dedi M. Ahmetjanov.
Baıqaýǵa Aqmola oblysy tehnıkalyq jáne kásiptik bilim berý uıymdarynyń stýdentteri arasynan 19 komanda qatysty. Onyń ishinde 5 komanda bolyp qyzdar shyqty.
Is-sharada qatysýshylar saptyq daıyndyqtyń sheberligin, komandalyq rýhty, tártipti kórsetti, saptyq ánderdi oryndady.
«Búgin oblystyq baıqaýǵa 350-ge jýyq adam qatysty. Baıqaý joǵary patrıottyq sanany, óz Otanyna degen adaldyq sezimin qalyptastyrýǵa yqpal etedi. Azamattyq borysh pen Otan múddesin qorǵaý jónindegi konstıtýııalyq mindetterdi oryndaǵany úshin jaýapkershilik sezimin tárbıeleıdi», - deıdi uıymdastyrýshylar.
Qorytyndysy boıynsha birinshi oryndy J.Mýsın atyndaǵy joǵary qazaq pedagogıkalyq kolledjiniń jasóspirimder komandasy, ekinshi oryndy Kókshetaý qalasynyń joǵary tehnıkalyq kolledjiniń komandasy, úshinshi oryndy ýchınsk qalasynyń orman sharýashylyǵy, ekologııa jáne týrızm kolledjiniń jigitteri ıelendi.
Qyzdar arasynda birinshi oryndy Kókshetaý qalasyndaǵy Aqan seri atyndaǵy joǵary mádenıet kolledjiniń komandasy, ekinshi oryndy Kókshetaýdaǵy J.Mýsın atyndaǵy joǵary qazaq pedagogıkalyq kolledjiniń qyzdary, úshinshi oryndy Kókshetaý qalasy joǵary tehnıkalyq kolledjiniń komandasy ıelendi.
Oblystyq baıqaýdyń jeńimpazdary men júldegerleri aqshalaı sertıfıkattarmen jáne dıplomdarmen marapattaldy.
