Oblys äkımı Danial Ahmetovtyŋ Ürjar audanyna jasaǧan jūmys sapary aiasynda käsıpkerler men jauapty tūlǧalardyŋ qatysuymen Alaköl jaǧalauyn damytu joldary talqylanǧan jiyn öttı.
Aita ketsek, Alaköl jaǧalauyn abattandyru jūmystary 2016 jyldan bastap jürgızılıp keledı. Osy uaqyt aralyǧynda demalys aumaǧy bırşama keŋeiıp, demaluşylar üşın öte yŋǧaily boldy. Alaköl jaǧajaiynda qazırgı taŋda 333 kommersiialyq nysan qyzmet etedı. Olardyŋ qatarynda 175 demalys üilerı, 2 qonaq üi, 10 dämhana, 2 meiramhana, 29 düken, 56 düŋgırşek, 4 bar, 8 ashana, därıhanalar men akvapark bar.
Aimaq basşysynyŋ aituynşa, kelesı jyly demalys jailylyǧynyŋ deŋgeiın arttyru maqsatynda bırqatar ırı infraqūrylym nysandarynyŋ qūrylysyn bastau josparlanyp otyr. Danial Ahmetov şaǧyn jäne orta biznes ökılderıne salyqqa salǧyrttyq tanytpai, öz mınderın oryndauǧa şaqyrdy.
Jiyn barysynda baiandama jasaǧan ŞQO boiynşa memlekettık kırıster departamentı basşysynyŋ orynbasary Erjan Ktanovtyŋ aituynşa, 11 künnıŋ ışınde jürgızılgen tekserudıŋ nätijesı boiynşa, 38 käsıporynnyŋ «köleŋkelı biznesı» äşkerelengen. 11 demalu bazasy esepke alynǧan.
– 2018 jyly biudjetke 67,5 mln.teŋge salyq tüstı. Biyl onyŋ kölemı 148 paiyzǧa artyp, iaǧni, 100 mln. teŋgege jetuı tiıs. Alaida qazırgı taŋda keibır demalys bazalary tabystaryn tolyq körsetpei otyr. Qazırgı uaqytta ökınışke orai, käsıporyndar kırıstıŋ bärın kassalyq apparat arqyly ötkızbeidı. Sondyqtan onlain baqylau-kassalyq apparatyn ornatu qajettılıgı boiynşa tüsındıru jūmystaryn jürgızudemız, - deidı Erjan Ktanov.
Alaköl kölınıŋ jaǧalauyn abattandyru mäselelerı boiynşa arnaiy jūmys toby qūrylǧan bolatyn. Ürjar audanynyŋ äkımı Serık Zainuldinnıŋ aituynşa, 30 milliard teŋgenı qūraityn jobalardy jüzege asyru josparlanyp otyr. Aldymen, merdıgerler Alaköldı damytuǧa baǧyttalǧan baǧdarlamanyŋ josparyna sai, mūnda tolqyndardy ūstaityn qūrylǧylardy ornatyp, sondai-aq, ekı şaqyrymǧa juyq jaǧalauǧa bekıtu jūmystaryn jürgızedı. Joba «MorPort Aqtau» qūrylysynyŋ täjıribesı boiynşa salynady.
Josparlanǧan auqymdy jobalalar qatarynda su qūbyrlary jelılerı men su jinau qūrylǧylaryn tartu, kärız jüielerı men su süzgıleu örısterınıŋ qūrylysy bar. Sonymen qatar, Maqanşy auylynan Köktal auylyna deiın 110 kVT-tyq elektr jelılerın tartu mındetı tūr.
Bügıngı taŋda Ürjar auylyndaǧy äuejaidyŋ ūşu-qonu jolaqtaryn qaita qūru boiynşa jobalyq-smetalyq qūjattama daiyn. Jobaǧa sai, ūşaqtar ekı baǧyt boiynşa kıretın bolady. Al, jolaq ūzyndyǧyn 2100 metrge ūzartu, enın 45 metrge deiın keŋeitu qarastyrylǧan. Jaŋa terminal salynyp, saǧatyna 70 jolauşyny qabyldauǧa mümkındık aşylady. Jalpy, atqarylǧan jūmystan keiın atalmyş aeroporttyŋ 70-80 orynǧa deiın äue transportyn qabyldau qauqarlyǧy artady.
– Jyl boiy qyzmet körsetetın emdık-sauyqtyru keşenın tūrǧyzu maqsatynda jaqyn arada avstriialyq ärıptesterımızdıŋ radon suyn igeru täjıribesın qolǧa alamyz. Bügınde bız üşın özektı mäsele - ol Semei men Öskemennen Alakölge deiıngı aralyqtaǧy joldyŋ jaǧdaiy. Qazırgı uaqytta jöndeu jūmystary jürıp jatyr. Ekı jylda aiaqtau josparda bar. Qabanbai men Alaköl jaǧalauyna deiın ūzyndyǧy 2,6 şaqyrym, enı 6 metr velosiped joly salynady. Bız öz tarapymyzdan uäde etken ıstı oryndaimyz. Sondyqtan käsıpkerlerdı de jauapkerşılıkke şaqyramyn. Ört qauıpsızıdıgı men sanitarlyq erejelerdıŋ qataŋ saqtaluyn da nazardan tys qaltyrmau kerek - dedı jiyndy qorytyndylaǧan Danial Ahmetov.
"Adyrna" ūlttyq portaly
