Erjūman Smaiyl - jurnalistika salasyna sıŋırgen eŋbegı zor, “Egemen Qazaqstannyŋ” tiraj sanyn köbeitıp, ornyn nyǧaitqan, qazaq publisistikasynda jazudyŋ ǧana emes, ūiymdastyruşylyq qabıletımen aty qalǧan, alǧaşqy Būqaralyq aqparat qūraldary salasyndaǧy Prezident syilyǧynyŋ laureaty.
Mansap jolyn “Sosialistık Qazaqstannan” bastap, araǧa uaqyt salmai “Leninşıl jas” gazetıne auysqan Er-aǧa jurnalistık alǧyrlyǧynyŋ, atqarǧan eŋbegınıŋ arqasynda janyp tūrǧan otty jyldary respublika jastary ūiymynyŋ mərtebesı eŋ joǧary Baubek Būlqyşev atyndaǧy syilyqpen marapattalady. Būl marapatty alǧan uaqytta Qazaqstannyŋ aqparat keŋıstıgınde talapty bır jas azamattyŋ topty jaryp şyǧatyny belgılı boldy. Erjūman Smaiyldyŋ özıne kelsek, ol mūndai joǧary ataqqa asa mən bermeitındei bolǧan. Qandai marapat ielense de, qarapaiymdylyǧynan bır taimady.
Erjūman Öteşūly “Leninşıl jasta” qyzmet atqarǧan uaqytta basylym talantty buynnyŋ toptasatyn jerı boldy. Redaksiiada J. Beisenbaiūly, Y. Kenenbaev, J. Soltieva, M. Qojahmetova, Ə. Köpışev jəne J. Elşıbek siiaqty zaman taŋdaulylar qyzmet atqardy. Keiınnen qazırgı ataqty jazuşylar N. Jünısbaev, Q. Jienbai tərızdıler qatarǧa qosyldy. “Sosialistık Qazaqstannan” “Leninşıl jasqa” jūmysqa şaqyrǧan S. Berdıqūlovpen publisist 7 jyl qyzmettes boldy. Gazettıŋ ər betınde jūrt qyzyǧatyndai bır oqiǧa, habar boluyn mındettegen bas redaktordyŋ arqasynda Erjūman Smaiyl adamdarmen jūmys ısteudı, jazuşy-tılşılermen söilesudı üirendı.
Aişat NAQA
