Jurnalistikadaǧy otansüigıştık el, el azamattarynyŋ müddesı men igılıgın közdeitın oqiǧalardy, taqyryptardy jauapkerşılıkpen jäne beitarap jariialau arqyly körınedı. Demek, jurnalister ūltjandylyq tanyta otyryp, qoǧamdyq pıkırdı qalyptastyryp, qoǧamdy damytuǧa septıgın tigızetın şynaiy aqparatqa ūmtylady. Olar salauatty jäne damyp kele jatqan qoǧamnyŋ negızı bolyp tabylatyn demokratiia, söz bostandyǧy men baspasöz bostandyǧy qaǧidattaryn qoldaidy. Otansüigış jurnalister ūlttyq müddeler men qūndylyqtardy qorǧauşy retınde de el aldynda tūrǧan mäseleler men syn-qaterlerge nazar audaryp, olardyŋ şeşımın ızdei alady. Degenmen, olar saiasi, ekonomikalyq nemese äleumettık müddelerge qaramastan şyndyq pen ädılettı qorǧauǧa daiyn täuelsız jäne syni oişyldar bolyp qala beredı. Osylaişa, patriottyq jurnalistika azamattyq qoǧamnyŋ nyǧaiuyna, belsendı de jauapty azamattyq ūstanymnyŋ qalyptasuyna yqpal etedı.
Jurnalistikadaǧy patriotizm el ömırınıŋ, mädenietınıŋ, tarihynyŋ, jetıstıkterı men äleuetınıŋ jaǧymdy jaqtaryn anyqtauǧa, qoldauǧa ūmtylu arqyly körınedı. Otansüigıştık tanytatyn jurnalister memlekettıŋ nyǧaiuy men ılgerıleuıne yqpal etetın tabysty jobalardy, ǧylymi jaŋalyqtardy, mädeni ıs-şaralardy jäne basqa da jetıstıkterdı belsendı jariialaidy. Olar sondai-aq qoǧam men onyŋ imidjıne nūqsan keltıretın sybailas jemqorlyq, qylmys nemese ekologiialyq problemalar siiaqty jaǧymsyz qūbylystarǧa da qarsy. Būl rette otanşyl jurnalister qoǧam sanasyn köterıp, azamattardy osy mäselelerdı şeşuge tartuǧa küş salyp, är adam öz elınıŋ igılıgı men güldenuıne üles qosa alatynyn körsetedı. Jurnalistikadaǧy patriotizm tuǧan jerdıŋ oŋ imidjın qalyptastyruǧa belsendı atsalysu jäne ony damytu men jetıldıru üderısıne qoǧamdy tartu arqyly körınedı.
Erjūman Smaiyl öz tılı men tuǧan jerın qatty qadırlegen azamat. Alǧaşqy maqala taqyryptaryn Frunzege arnaǧan Erjūmandy «Sosialistık Qazaqstan» gazetı redaktorynyŋ bırınşı orynbasary Balǧabek Qydyrbekūlynyŋ tyiymy ǧana toqtatty.
Onyŋ Otanyna degen süiıspenşılıgı täuelsızdık jyldarynda jazǧan «Qazaq elıne adaldyq anty qajet», «Teŋgege qarsylyq – täuelsızdıkke qarsylyq», «Ūmytuǧa bola ma, Jeltoqsandy?», «Atam qazaq aitqyş-au», «Bır jol bar – qiyn, qiyn da bolsa – qajet», «Qazaqqa partiia kerek pe?», «Tüsın, qazaq!», «Egemendık ruhyna adal bolaiyq» tärızdı maqalalarynda körınıs tapty. Osy maqalalardy jazu arqyly tuǧan jerıne degen mahabbatyn körsetumen qatar, oqyrmandarǧa jıger berıp, patriottyq ruhtaryn köterdı. Täuelsızdıktıŋ maŋyzy men jaŋa qadamdardyŋ, belesterdıŋ tigızer äserın aşyp körsettı.
Sondai-aq, «Ömır degen – jol üstı» maqalalar jinaǧyndaǧy «Auylym – altyn besıgım» atty aidar tolyǧymen el, jer, Otan taqyrybyndaǧy jazylǧan maqalalarǧa toly. Onyŋ ışınde «Elu jylda el jaŋa» bölımınde tuǧan sovhozy Frunzenyŋ tynys-tırşılıgın, soǧysqa deiıngı jaǧdaiyn, soǧys jyldaryndaǧy qiyndyqtaryn jäne soǧystan keiıngı damuyn baiandady. Būdan basqa «Suşylar», «Kömekşı şopan», «Ūstazym, menıŋ ūstazym», «Ümıt säulesı öşpeidı», «Brigadir joly», «Qaitalanbas bır sabaq» jazbalary da tuǧan jerıne degen erekşe sezımın körsetetın tuyndylar. Otansüigıştık ruh Kez kelgen el taqyrybyndaǧy şyǧarmalarda boluy mümkın, bıraq osy taqyrypty tolyǧymen aşyp, jazǧan ärbır söilemı arqyly patriottyq sezımın jetkıze bılu ärkımnıŋ qolynan kele bermeidı.
Dina LİTPİN
