"Oqıǵanyń saldary óte aýyr. Bul týraly aıtyp ta kerek emes. Qazir biz osy saldardy joıýǵa bar kúsh-jigerimizdi jumsadyq. Árıne, qalanyń basym bóligi jaramsyz qaldy. Qazir tergeý boıynsha arnaıy komıssııa jumys istep jatyr. Prezıdent Ákimshiligi komıssııasy jumysynyń qorytyndysy boıynsha Qaýipsizdik Keńesine barlyq kinálilerdi qatań jazalaý jóninde usynystar engizgeni jón. Onyń ishinde asa qaýipti obektilerge tikeleı jaqyn jerde qurylys salýǵa jaýapsyz ruqsat bergen azamattyq memlekettik qyzmetshiler de bar. Bul jumysty shuǵyl júrgizý kerek, 10 tamyzǵa deıin tıisti usynystar berińiz. Barlyq kináliler qatań jaýapkershilikke tartylýy tıis jáne jazalanýy kerek", - dep tapsyrdy Toqaev. Ol Qorǵanys Mınıstrligi basqa da uqsas obektiler boıynsha egjeı-tegjeıli taldaý júrgizýi tıis ekenin atap ótti. "Taldaý qorytyndysy boıynsha aqparatty 20 tamyzǵa deıin engizsin. Bul oqıǵa jumyldyrý daıyndyǵyn uıymdastyrýdaǵy kemshilikterdi, tótenshe jaǵdaılardy joıý boıynsha sharalardy josparlaýdaǵy jáne uıymdastyrýdaǵy kemshilikterdi kórsetti. Osy oqıǵadan sabaq alý kerek. Mundaı jaǵdaılar qaıtalanbaýy tıis. Úkimetke tótenshe jaǵdaılardyń aldyn alýǵa jáne olardy joıýǵa jaýapty qyzmetterdiń fýnkıonaldyq daıyndyǵy men tıimdiligin arttyrý jónindegi máseleni qaraýy kerek. Tıisti usynystar bir aı merzimde engizilýi tıis", - dedi Qasym-Jomart Toqaev. Prezıdent jarylys saldaryn joıý jónindegi barlyq jumys onyń jeke baqylaýynda bolatynyn atap ótti.
"Adyrna" ulttyq portaly
