"Oqiǧanyŋ saldary öte auyr. Būl turaly aityp ta kerek emes. Qazır bız osy saldardy joiuǧa bar küş-jıgerımızdı jūmsadyq. Ärine, qalanyŋ basym bölıgı jaramsyz qaldy. Qazır tergeu boiynşa arnaiy komissiia jūmys ıstep jatyr. Prezident Äkımşılıgı komissiiasy jūmysynyŋ qorytyndysy boiynşa Qauıpsızdık Keŋesıne barlyq kınälılerdı qataŋ jazalau jönınde ūsynystar engızgenı jön. Onyŋ ışınde asa qauıptı obektılerge tıkelei jaqyn jerde qūrylys saluǧa jauapsyz rūqsat bergen azamattyq memlekettık qyzmetşıler de bar. Būl jūmysty şūǧyl jürgızu kerek, 10 tamyzǧa deiın tiıstı ūsynystar berıŋız. Barlyq kınälıler qataŋ jauapkerşılıkke tartyluy tiıs jäne jazalanuy kerek", - dep tapsyrdy Toqaev. Ol Qorǧanys Ministrlıgı basqa da ūqsas obektıler boiynşa egjei-tegjeilı taldau jürgızuı tiıs ekenın atap öttı. "Taldau qorytyndysy boiynşa aqparatty 20 tamyzǧa deiın engızsın. Būl oqiǧa jūmyldyru daiyndyǧyn ūiymdastyrudaǧy kemşılıkterdı, tötenşe jaǧdailardy joiu boiynşa şaralardy josparlaudaǧy jäne ūiymdastyrudaǧy kemşılıkterdı körsettı. Osy oqiǧadan sabaq alu kerek. Mūndai jaǧdailar qaitalanbauy tiıs. Ükımetke tötenşe jaǧdailardyŋ aldyn aluǧa jäne olardy joiuǧa jauapty qyzmetterdıŋ funksionaldyq daiyndyǧy men tiımdılıgın arttyru jönındegı mäselenı qarauy kerek. Tiıstı ūsynystar bır ai merzımde engızıluı tiıs", - dedı Qasym-Jomart Toqaev. Prezident jarylys saldaryn joiu jönındegı barlyq jūmys onyŋ jeke baqylauynda bolatynyn atap öttı.
"Adyrna" ūlttyq portaly
