Qyrǧyz-täjık şekarasynda atys oryn aldy, dep habarlaidy "Adyrna" ūlttyq portaly Orda.kz-ke sıltep.
Būl turaly Qyrǧyzstan Respublikasynyŋ Ūlttyq qauıpsızdık memlekettık komitetı mälımdedı.
Saǧat 12:20 şamasynda Batken oblysy Leilek audanyndaǧy Aq-Bosogo auyly maŋynda Qyrǧyzstan şekaraşylary mal jaiyp jürgen täjık şopandaryn anyqtaǧan.
Qyrǧyzstannyŋ ūlttyq komitetınıŋ mälımetınşe, Täjıkstan azamattary äskeri qyzmetkerlerge tas laqtyra bastaǧan. Artynşa şopandardyŋ bırı şekaraşylarǧa ekı-üş oq atqany anyqtaldy.
«Qaqtyǧystyŋ odan ärı örşuıne jol bermeu üşın qyrǧyz şekaraşylary äuege eskertu oqtaryn jaudyrdy, sodan keiın şabuyldauşylar Täjıkstanǧa qarai şegındı. Qyrǧyzstan şekaraşylary arasynda zardap şekkender joq", - dep tüsındırdı Qyrǧyzstan Respublikasy departamentınıŋ baspasöz qyzmetı.Aldyn ala mälımet boiynşa, täjıkstandyqtardyŋ bırı jaralanǧan. Tolyq mälımet älı jariialanbaǧan. Ekı jaqtyŋ şekara qyzmetkerlerı jaqyn künderı kezdesıp, oqiǧany talqylaidy dep kütılude. Qazır şekaradaǧy jaǧdai tūraqty dep baǧalanǧan.
Ūqsas jaŋalyqtar
