Nur Otan partiiasynyŋ eks-hatşysy Tamara Düisenova jaŋa lauazymǧa ie boldy, - dep habarlaidy Tengrinews.kz tılşısı Eŋbek jäne halyqty äleumettık qorǧau ministrlıgınıŋ baspasöz qyzmetıne sılteme jasap.
Tamara Düisenova "Eŋbek resurstaryn damytu ortalyǧynyŋ" (ERDO) prezidentı bolyp taǧaiyndaldy. 15 şıldede eŋbek jäne halyqty äleumettık qorǧau ministrı Berdıbek Saparbaev "Eŋbek resurstaryn damytu ortalyǧy" AQ ūjymyna jaŋa basşyny tanystyrdy. Ortalyqtyŋ būrynǧy basşysy Erbol Ospanov "ERDO" AQ bırınşı vise-prezidentı qyzmetıne auysty. "Tamara Qasymqyzy äleumettık-eŋbek salasyn damytuǧa eleulı üles qosty, bügınde tiımdı eŋbek naryǧyn damytu, eŋbek resurstarynyŋ sapasyn arttyru, äleumettık jäne zeinetaqymen qamtamasyz etu, halyqty jūmyspen qamtu, äleumettık-eŋbek salasyn sifrlandyru jäne el basşylyǧy qoiǧan basqa da tapsyrmalar üşın qajettı täjıribesı bar", - dep atap öttı ministr. Būǧan deiın Tamara Düisenovanyŋ basqa jūmysqa auysuyna bailanysty Nur Otan partiiasynyŋ hatşysy qyzmetınen ketkenı habarlanǧan. Ol būl qyzmettı 2018 jyldyŋ aqpanynan bastap atqardy. Tamara Düisenova Taşkent halyq şaruaşylyǧy institutyn bıtırgen. Ekonomika ǧylymdarynyŋ kandidaty. Är jyldary jauapty basşy lauazymdaryn atqardy. Şymkent qalasy äkımınıŋ bırınşı orynbasary, Oŋtüstık Qazaqstan oblysy äkımınıŋ orynbasary, Eŋbek jäne halyqty äleumettık qorǧau ministrlıgınıŋ vise-ministrı, jauapty hatşysy, Densaulyq saqtau jäne äleumettık damu ministrı, eŋbek jäne halyqty äleumettık qorǧau ministrı bolyp jūmys ıstedı."Adyrna" ūlttyq portaly
