Ükımet Kökşetaudaǧy qazandyqtardy jöndeuge rezervten 816 mln teŋgeden astam qarjy böldı

Respublikanyŋ jylu közderın keşendı jaŋǧyrtu jönındegı Memleket basşysynyŋ tapsyrmasyn oryndau maqsatynda QR Premer-Ministrı Oljas Bektenov Kökşetaudaǧy qazandyqtardy jöndeuge Ükımet rezervınen qarajat bölu turaly qaulyǧa qol qoidy. Aqmola oblysynyŋ biudjetıne aǧymdaǧy nysanaly transfertter türınde №1 jäne №2 audandyq qazandyqtarda tiıstı jūmystar jürgızu üşın 816 mln teŋgeden astam qarajat audarylady. Atap aitqanda, konvektivtı bölıktıŋ paketterın jäne qazandyq agregattaryn jöndeu, sondai-aq qyzdyru betterın jäne şikı kömır bunkerlerın auystyru josparlanyp otyr. Atalǧan şaralardy ıske asyru nätijesınde qazandyqtardyŋ tiımdılıgı artyp, apattar men toqtap qalu faktılerınıŋ sany azaiady, būl aldaǧy jylytu mausymynyŋ ırkılıssız ötuın qamtamasyz etuge mümkındık beredı. Sonymen qatar bügınde Kökşetauda qalanyŋ jylu jäne elektr energiiasyna degen ösıp kele jatqan qajettılıkterın tolyq qamtamasyz etuge tiıs tolyqqandy JEO salu jobasyn pysyqtau jūmystary jalǧasuda. Onyŋ tehnikalyq körsetkışterı jylu quaty – 520 Gkal/saǧ, elektr quaty – 240 MVt bolady dep josparlanuda. Būl rette Kökşetaudy odan ärı gazdandyrudy eskere otyryp, tabiǧi gazǧa köşıru mümkındıgı bar türlı otyndy kömırtozaŋdy qazandyqtar ornatu közdelgen. Joba biylǧy 17 säuırde Qazaqstan men Resei arasynda qol qoiylǧan kelısım şeŋberınde jüzege asyrylady. Qazaqstan tarapynan uäkılettı ūiym «Samūryq-Energo» AQ biyl JEO jūmysyn bastau üşın tiıstı jol kartasyn äzırledı.