Aqmola oblysynyŋ ortalyǧynda 400-ge juyq köşe bar. Sonyŋ 206-sy qazaq tılınde jazylǧan, - dep habarlaidy "Habar 24". Būl turaly qalalyq mädeniet jäne tılderdı damytu bölımı habarlady.
Jyl basynan berı mamandar qala tūrǧyndarymen tüsındıru jūmystaryn jürgızıp keledı. Arnaiy senım telefony da ıske qosylǧan. Oǧan 500-den asa adam qoŋyrau şalyp, konsultasiialyq kömek alypty. Halyq köp şoǧyrlanǧan jerlerde latyn älıpbiıne qatysty ıs şaralar da ötkızılıp tūrady. Mäselen, "Latyn älıpbiımen jazaiyq" atty aksiia sauda oryndarynda ūiymdastyryldy. Onda ärbır tūrǧyn latyn qarıpımen jazyp, öz sauattylyǧyn tekseru mümkındıgıne ie boldy. Aqparattyq ügıt-nasihat jūmystary zaŋǧa säikes ötkızıldı. "Bügıngı künı Kökşetau qalasy boiynşa körnekı aqparattyŋ 40 prosentı latyn ärpımen jazylǧan dep aituǧa bolady. Sonymen qatar Kökşetau qalasynyŋ, qala äkımdıgınıŋ barlyq memlekettık mekemelerdıŋ taqtaişalary 10 paiyz latyn ärpımen jazylǧan", - deidı qalalyq mädeniet jäne tılderdı damytu bölımınıŋ bas mamany Dina Beisembaeva.
"Adyrna" ūlttyq portaly
