Biyl ekınşı düniejüzılık soǧystyŋ aiaqtalǧanyna - 79 jyl.
9 mamyr Jeŋıs künı Batys Qazaqstan oblysynyŋ äkımı Nariman Töreǧaliev oblys ortalyǧyndaǧy «Jeŋıs» alaŋyna baryp, mäŋgılık alauǧa gül şoqtaryn qoidy.
Is-şaraǧa eŋbek ardagerlerı, qūqyq qorǧau salasynyŋ qyzmetkerlerı, ziialy qauym ökılderı, qoǧam belsendılerı men jastar qatysty.
Jinalǧandar sūrapyl soǧys jyldarynda keudesın otqa tosyp, beibıtşılık üşın küresken batyrlarǧa taǧzym jasap, gül şoqtaryn qoidy.
Gül şoqtaryn qoiu räsımınen soŋ, BQO äkımı Nariman Töreǧaliev Oral qalasynda tūratyn soǧys jäne eŋbek ardagerlerınıŋ üiıne bardy.
Atap aitqanda, Nariman Töreǧaliev soǧys ardagerlerı – İvan Gapichtı, Veniamin Skalenkony jäne tyl ardagerı – Aqbai Jaisaŋdy Jeŋıs künımen qūttyqtady.
Oblys äkımı soǧys ardagerlerıne QR Prezidentı Qasym-Jomart Kemelūly Toqaevtyŋ atynan qūttyqtau hattaryn tabys ettı.
«Ardagerlerımızdıŋ ūly erlıgın ärbır qazaqstandyq qūrmettep, este saqtauy kerek. Sızderdıŋ arqalaryŋyzda qazırgı ūrpaq beibıt künde ömır sürıp jatyr. Ardagerlerge qamqorlyq körsetu – bızdıŋ ortaq paryzymyz. Olarǧa qoldau bıldıru ärqaşan memlekettıŋ basty nazarynda bolady» -dedı oblys äkımı Nariman Töreǧaliev.
Qazırgı uaqytta Batys Qazaqstan oblysynda ŪOS-nyŋ 14 ardagerlerı bar. Biyl 9 mamyr qarsaŋynda olardyŋ ärqaisysyna 1,5 mln.teŋgeden äleumettık kömek berıldı.
