Memleket basshysynyń tapsyrmasy boıynsha eldi mekenderdiń aýmaqtaryn abattandyrý jáne kógaldandyrý týraly «Taza Qazaqstan» akııasy aıasynda Almaty qalasynyń ákimdigi 2024 jylǵy 8 sáýir men 8 mamyr aralyǵynda «Almaty — bizdiń ortaq úıimiz» naýqanyn iske asyrdy. Naýqannyń negizgi maqsaty - qalalyq ınfraqurylymǵa uqypty qaraý qundylyqtaryn qalyptastyrý, halyq arasynda joǵary azamattyq jaýapkershilik pen ekologııalyq mádenıetti tárbıeleý.
«Almaty – bizdiń ortaq úıimiz» naýqany 8 sáýir men 8 mamyr aralyǵynda ótti jáne 4 taqyryptyq aptaǵa bólindi:
1) «Bizdiń qala – bizdiń kósheler» (8-14 sáýir) – qalalyq ınfraqurylymdy retke keltirý aptalyǵy. 1 760 aıaldama keshenin jýý júrgizildi, 15 610 oryndyq pen 25 136 kóshe ýrnasy syrlandy, 1 485 konteıner alańyn dezınfekııalaý jáne jýý, 480 baǵdarsham obektisin syrlandy jáne 10 197 jol belgileri kótergishteri jýyldy.
2) «Bizdiń qala – bizdiń aýla, bizdiń úı» (15-21 sáýir) - aýlalardy, oıyn alańdaryn tazartý aptalyǵy. Jergilikti qoǵamdastyqtarmen (PIK, OSI) birlesip 5 567 aýla aýmaǵyn tazalaý júrgizildi. Qatty turmystyq qaldyqtar polıgondaryna 73 188 tekshe metr qoqys shyǵaryldy.
3) «Bizdiń qala - bizdiń taýlar, ózender men kólder» (22-28 sáýir) - sý aıdyndary men ózenderdiń, saıabaqtardyń, skverler men taý bókteriniń jaǵalaýlaryn tazartý aptalyǵy. Kommýnaldyq qyzmet qyzmetkerleriniń, ekobelsendilerdiń, eriktiler men qoǵam belsendileriniń qatysýymen Esentaı, Kishi jáne Úlken Almaty, Qarǵaly, Boraldaı, Aqsaı, Jarbulaq, Tuıyqsaı, Qarasý, Eremensaı, Tastybulaq ózenderiniń, Kereń qulaq, Bekenbaı, Ábilǵazy, Botbaısaı, Shybynsaı, Terisbulaq, Bedelbaı ózenderiniń, Saıran jáne Áýejaı kólderiniń, ÚAK, M2 jáne M1 kanaldarynyń jaǵalaýlary tazartyldy. Osyndaı jumys qalanyń 445 saıabaǵy men skverinde júrgizildi. Taqyryptyq apta ishinde tazartý jumystaryna 2 680 adam qatysty, 408 birlik arnaıy tehnıka jumyldyryldy, 20 120 tekshe metr qoqys shyǵaryldy.
4) «Bizdiń qalamyz – bizdiń maqtanyshymyz» (29 sáýir – 8 mamyr) - eskertkishter men mádenıet nysandaryn tazartý aptalyǵy. Tarıhı-mádenı mura obektileriniń aýmaqtaryn keshendi jınaý júrgizildi. 57 eskertkish pen músin (Táýelsizdik monýmenti, «Taǵzym» memorıaly, Sh.Ýálıhanov, N. Tilendıev, J. Jabaev, M. Áýezov, Y.Altynsarın, O. Jandosov, Q. Sátbaev jáne t. b.) jýyldy jáne retke keltirildi.
«Almaty – bizdiń ortaq úıimiz» naýqany bastalǵannan beri 30 myńnan astam qatty aǵash jáne 5 myń buta otyrǵyzyldy, onyń ishinde «Jasyl aýla» akııasy aıasynda almatylyqtarǵa 3 myń aǵash kósheti, al «Almaty – baq qala» jalpyqalalyq akııasy barysynda qala turǵyndaryna 8 myńnan astam kóshet taratyldy. Joldardy retke keltirý maqsatynda qalanyń kóshe-jol jelisiniń magıstraldyq kóshelerinde aǵymdaǵy (shuńqyrly) jóndeý jumystary júrgizilýde. Búgingi tańda 41 myń sharshy metr asfaltbeton jabyny jóndeldi.
