Aibek Dädebaev: «Tıldık mäsele näzık, asa jauapkerşılıkpen keludı talap etedı»

QR Prezidentı Äkımşılıgınıŋ Basşysy Aibek Dädebaev respublikalyq telearnaǧa bergen sūqbatynda memlekettık tılge qatysty sūraqqa jauap berdı. «Özderıŋız bılesızder, elımızde köptegen etnos ökılderı tūrady. Būǧan sebepker bolǧan tarihi oqiǧalardy jaqsy bılesızder. Qazır tıl mäselesın kürdelendırıp, tıptı saiasi oiynǧa ainaldyrǧysy keletınder de bar. Mäselen, elımızde tılge qatysty jūrtty dauryqtyryp, ūlt bolaşaǧyna qauıp töndıretın mäsele tudyryp jürgenderdı baiqaimyz. Būl - ūlttyq qauıpsızdıgımızge kerı äser etetın jait. Qai tūrǧydan qarasaq ta tıldık mäsele näzık, asa jauapkerşılıkpen keludı talap etedı», - degen pıkırın bıldırdı Aibek Dädebaev. QR Prezident Äkımşılıgınıŋ basşysy öz sūqbatynda elde memlekettık tılge, onyŋ qoldanu aiasynyŋ keŋeiuıne airyqşa män berıletınıne toqtaldy. Onyŋ aituynşa, būl – elımız bügıngı taŋda jürgızıp otyrǧan asa astary tereŋ saiasat. «Naqty formulasy – köptıldı qoǧam, jalǧyz memlekettık tılı bar el! Iаǧni, onyŋ maŋyzdy komponentı – tıldık tözımdılık, jaŋaşa aitsaq, tıldık toleranttyq. «Jyly-jyly söileseŋ...» degen halyq naqyly qaşanda jadymyzda bolǧany jön. Eldıŋ baiandy bolaşaǧy degen qasterlı ıste qandai mäsele bolsyn sabyrmen, aqylǧa salyp şeşetın bızdıŋ eldıŋ azamattary üşın būl qoldan keletın şarua. Bızdıŋ aldyŋǧy buynnyŋ da ösiet etkenı osy. Bıle bılsek, tıldık tözımdılık – qala berdı memlekettık, iaǧni eldık qauıpsızdıgımızdıŋ kepılı. Dauryqpa aiqai, däl qazır ne qylsa da bola salsyn degen talap müldem būrys nätije äkeluı mümkın!», - dep sanaidy Aibek Dädebaev. QR Prezidentı Äkımşılıgınıŋ Basşysy A. Dädebaev memlekettık tıldıŋ qoldanys aiasynyŋ odan ary keŋeie beruın qamtamasyz etetının jäne qazaq tılı tübınde ūltaralyq tılge ainalatynyn mälımdedı.