Qytaida jūmbaq jaǧdaida qaza tapqan student qyzdyŋ tuystary ädılettılıkke qol jetkıze almai jür. Olardyŋ aituynşa, Sandira Serıkhandy bıreuler ädeiı 17-şı qabattan qūlatyp jıbergen körınedı, - dep habarlaidy KTK telearnasy.
Chanchjoudaǧy eŋ myqty universitettıŋ bırıne grantqa tüsken qandasymyzdyŋ ömırınıŋ soŋǧy sätterı taspaǧa da tüsıp qalypty. Bıraq ıs suisid dep jabylyp tynǧan.
"Sandira Serıkhan Nūr-Sūltandaǧy eŋ maqtauly gimnaziianyŋ tülegı. Nebärı 16 jasynda qytai tılın meŋgergen qyz bırden grantqa oquǧa tüsken. Alaida, Qytaiǧa arman arqalap ketken qara közımızdıŋ elge tabyty keldı. Sondaǧy polisiianyŋ resmi mälımetı boiynşa, sabaǧyn 5-ke oqyp jürgen qyz öz erkımen 17-şı qabattan sekırıp ketken", - deidı telearna tılşısı.
Sandiranyŋ naǧaşy äpkesı Älnūr Aǧaeva qyzdyŋ suisid jasady degenıne senbeidı. Öitkenı ol aldynda ǧana video arqyly üiımen habarlasyp, demalysqa elıne kelgelı jatqanyn, bauyrlaryna satyp alǧan bazarlyqtardy körsetıptı.
- Ol jazǧy demalysqa üige jinalyp jatqan. Sol künnıŋ aldynda ǧana videomen söilestık. Bauyrlaryna satyp alǧan syilyqtaryn körsetıp, anasymen mäz-meiram bolǧan. Qyzymyzdy ädeiı öltırıp otyr, - deidı ol.Qyzdyŋ instagramynan belgılı bolǧanyndai, sol künı Sandirany Baian degen basqa bır student klubqa baraiyq dep qoimai, aqyry köndırıptı. Onda Madiiar jäne Daniiar degen dostarymen tanystyrǧan. Keş soŋynda Daniiar "päterden bır zat alu kerek" degen syltaumen bırge baruyn ötınıp qoimaǧan eken. Qyz kelıskenımen, tabaldyryqtan ärı attaǧysy kelmei tūrǧany podezdegı taspaǧa tüsıp qalǧan. Videoda jıgıt qyzdy jetektep kırgızgen deidı Älnūr Aǧaeva. Bırazdan soŋ Sandira päterden jylap şyǧady. Ärı qaraiǧy jaǧdai taspadan tys jerde jalǧasqan. Jıgıttıŋ aituynşa, qyzdyŋ 17-şı qabattan qalai qūlap ketkenı esınde joq. Ne üşın jylap jürgenın de tüsındırıp bere almapty.
- Daniiar İmanqūlov ol Şymkentten. Qyz nege jylady degen sūraqqa jauap bere almady. Aituynşa, özı de şokta bolǧan, - deidı Sandiranyŋ naǧaşy äpkesı.Bılmeimın dep basyn ala qaşqan jıgıt sol küiı qarasyn batyrypty. Üşeuı de oqu ornyna ızdep barǧan qyzdyŋ äkesımen jolyǧudan bas tartyp, telefondaryn söndırıp tastapty. Tuystary zorlyq-zombylyq jasaldy ma dep küdıktenedı. Odan qaldy, qyzdyŋ bır aiaq kiımı terezenıŋ tūsynda qalyp qoiǧan. Odan qaldy, jaqtaudan sausaq ızderı tabylmapty. Sol sebeptı de ony bıreudıŋ laqtyryp jıbergenıne senımdı. Bıraq mūny däleldeu mümkın bolmai tūr. Sebebı, zaŋy qatal Qytai mäiıttı 30 kün tekseredı eken. Mūnşama uaqyt küte almaǧan otbasy qyzdyŋ denesın saraptamasyz elge äkeluge mäjbür bolǧan. Al ıs "suisid" dep jabylyp tynǧan. Elımızdıŋ diplomattary ıstı qaita qaraudy sūrapty. Bıraq qorytyndysy özgermegen.
- Qytai tarapy būl ıstı qaita qarap şyqty. Istı qaita qarau nätijesı boiynşa jazataiym oqiǧa sanalatyn bop şyqty, - deidı QR Syrtqy ıster ministrlıgınıŋ resmi ökılı Aibek Smadiiarov.Nebärı 19 jastaǧy Sandira Serıkhan üiınıŋ ülkenı eken. Otbasynda 4 bala. Kışkentai bauyrlary äpkesı keledı dep künde kütıp jür. Jalpy, qazaq studentterınıŋ şetelde qaza tabuy bırınşı jaǧdai emes. Mäskeude oqu qabyrǧasynda qūlap ölgen Tomiris Baisafanyŋ da ısı sozbalaŋǧa salynyp, bır jarym jyldan berı tuystary ädılettılık tappai keledı.
"Adyrna" ūlttyq portaly
