Jaqynda Jienälı jäne Dostyq auyldyq okrugterı äkımderınıŋ qatysuymen baspasöz konferensiiasy öttı. Elbasy Nūrsūltan Äbışūly Nazarbaev auyldyŋ tūrmysyn arttyru maqsatynda memlekettık jäne salalyq baǧdarlamalarda közdelgen, elımızde jürgızılıp otyrǧan ışkı jäne syrtqy saiasattyŋ negızgı baǧyttaryn jüzege asyrudy tapsyrǧan edı. Osy oraida, ekı auyldyq okrugtıŋ äkımderı byltyrǧy jyldy qorytyndylai otyryp, qazırgı äleumettık-ekonomikalyq körsetkışterdıŋ deŋgeiı turaly aqparat berdı.
- Jienälı auyldyq okrugı Semei qalasynan 50 şaqyrym jerde ornalasqan. Okrugtıŋ negızgı baǧyty – mal şaruaşylyǧy. 2018 jyly «Jarqyn» jäne «Nūr» qojalyqtary memleket tarapynan 21 mln. 700 myŋ subsidiiasyn alyp, bügınde mal şaruaşylyǧyn damytyp otyr. Al, 2019 jyldyŋ auylşaruaşylyq önerkäsıbı keşenın damytudyŋ 2017-2022 jyldarǧa arnaǧan nätijelı jūmyspen qamtu jäne jappai käsıpkerlıktıŋ 2017-2021 jyldarǧa arnalǧan «Eŋbek» baǧdarlamasy aiasynda Bökenşı auylynyŋ tūrǧyny Beisembinov Madiiar «Biznes bastau» baǧdarlamasymen jeke käsıpker retınde tırkelıp, şaǧyn nesie alyp mal şaruaşylyǧyn örkendetuge öz ülesın qosuda. Bügıngı künı barlyq äleumettık nysandar onyŋ ışınde, Bökenşı auylynyŋ därıgerlık ambulatoriiasy, Maraldy auylynyŋ medisinalyq punktı, auyldyq klub, veterinarlyq punkt jūmys jasap, halyq üşın qyzmet körsetude. Sondai-aq, auyldy abattandyru, jaryqtandyru, auyz sumen qamtamasyz etu jūmystary da qarqyndy jürgızılude,-dedı Jienälı auyldyq okrugınıŋ äkımı Güljan Amanjolqyzy.
Dostyq auyldyq okrugı halqynyŋ da basty käsıbı – mal şaruaşylyǧy. Qazırgı uaqytta 13 şarua qojalyǧynda 640 bas ırı qara ösırılude.
- Dostyq auyldyq okrugı qaladan 25 şaqyrym jerde ornalasqan. Okrug auylşaruaşylyǧyna baǧyttalǧan memlekettık baǧdarlamalar şeŋberınde közdelgen jūmystardy atqaryp keledı. Qazırgı uaqytta auyldy sumen jabdyqtau jelısın salu jäne su mūnarasyn qaita ıske qosuǧa arnalǧan jūmystar jürgızılıp jatyr. Sonymen qatar, köşelerdı jaryqtandyru mäselesı de aldyŋǧy qatarda tūr,-dedı Dostyq auyldyq okrugınıŋ äkımı Nūrken Jarlikenov.
"Adyrna" ūlttyq portaly
