Jyl saiyn Semeide Ūlttyq Dombyra künı keŋınen atalyp ötıledı. Meiram qarsaŋynda Perinitarlyq ortalyqta düniege kelgen säbige ūlttyq aspap syiǧa tartyldy. Būl syilyqty qalalyq Dostyq üiı jasady.
- Törtınşı balasyn düniege äkelgen säbidıŋ anasyn şyn jürekten qūttyqtap, Dombyra künıne orai ūlttyq aspapty syilaimyz, - dedı qalalyq Dostyq üiınıŋ basşysy Nadejda Şarova.
Quanyş iesı Jarma audany Şar qalasynyŋ tūrǧyny Almira Rahmetjanova säbiınıŋ esımın Zaŋǧar dep qoidy. Ol balasynyŋ däl mereke künı düniege keletının kütpegenın aitty.
- Dombyra meiramy künı düniege kelgen balamnyŋ muzykant bolady degen köptıŋ ystyq lebızderın estıp qatty quanyp jatyrmyn. Alaida, ony bolaşaqta ädıldıktıŋ nyşany bolsyn, sot töraǧasy bolsyn dep esımın yrymdap Zaŋǧar dep qoidyq,- dedı A. Rahmetjanova.
Perinitarlyq ortalyqtyŋ ūjymy da şet qalmai, säbige bala tösegın syilady.
Merekelık şara «Beibıtşılık» aralynda jalǧasyn tapty. 200-juyq dombyraşylar 7 tanymal küidı oryndap, halyqty önerlerımen tänttı ettı. Qala tūrǧyndary Abai men Qūrmanǧazynyŋ şyǧarmalaryn tyŋdap qana qoimai, dombyra aspabyna arnalǧan master-klastarǧa qatysyp, muzykalyq aspaptardyŋ körmesın tamaşalady.
Al, keş soŋy Ertıstıŋ oŋ jaǧalauynda ötetın «IаRKOkross», «Asyq» jäne «Dombyra party» jastar marafonymen tämamdalatyn bolady.
"Adyrna" ūlttyq portaly
