Qazaqstanda Joşy han turaly alty seriialyq telehikaianyŋ tüsırılımı küzde bastalady

«Dara» prezidenttık bastamalar qory «Karga Seven Pictures» kinostudiiasymen bırlese Şyŋǧys hannyŋ ülken ūly Joşy hannyŋ ömırıne arnalǧan alty seriiadan tūratyn aǧylşyn tılındegı gibridtı derektı-dramalyq telehikaia tüsırudı bastady. Būl turaly «Dara» Prezidenttık bastamalar qorynyŋ baspasöz qyzmetı habarlady. Tuyndy Altyn Orda imperiiasynyŋ damu kezeŋderı Joşy hannyŋ ömırınıŋ tarihy negızınde tüsırıledı. Telehikaianyŋ prodiuserı kreativtı direktory Emre Şahin jetekşılık etetın «Karga Seven Pictures» kompaniiasy. Tüsırılım 2024 jyldyŋ küzınde Qazaqstan men Türkiiada bastalady dep josparlanuda. Karga Seven Pictures Netflix üşın 90-nan astam elde üzdık 10-telehikaiaǧa ainalǧan Rise of Empires: Ottoman jäne Testament: The Story of Moses hikaialary siiaqty ırı tarihi derektı dramalardy tüsırdı. «Joşy hannyŋ ömır tarihy keremet epikalyq, ol dünie jüzındegı körermenderdı qyzyqtyrary sözsız. Osy auqymdy tarihi jobany jüzege asyruda «Dara» qorymen bırlesıp, jūmys jasau bız üşın ülken märtebe», – dep atap öttı Karga Seven Pictures kreativtı direktor Emre Şahin. 2024 jyly Joşy Ūlysynyŋ qūrylǧanyna 800 jyl tolady. Osy atauly künge arnalǧan tarihi derektı joba memlekettıgımızdıŋ san ǧasyrlyq tamyryn körsetedı. Jappai auditoriiaǧa arnalǧan derektı-drama ūlttyq tarihty keŋınen nasihattauǧa, qazaq halqynyŋ ūly tarihyn tanuǧa, halyqaralyq auditoriianyŋ Qazaqstanǧa degen qyzyǧuşylyǧyn arttyruǧa septıgın tigızedı.