Bılım jäne ǧylym ministrı Ashat Aimaǧambetov "Pedagog märtebesı turaly" zaŋ jobasyn deputattardyŋ qarauyna engızu merzımın naqtylady, dep habarlaidy Sputnik Qazaqstan tılşısı.
"Qazır bız "Pedagog märtebesı turaly" zaŋdy daiyndap jatyrmyz. Ony özderıŋız bılesızder, ministrlık būl zaŋdy bır jyl boiy jan-jaqty talqylady, sondyqtan qyrküiekke deiın bız būl zaŋ jobasyn mäjılıske kırgızuımız kerek. Sol sebeptı naqty şeşımder bolǧannan keiın barlyǧyn bıletın bolasyzdar", - dedı Aimaǧambetov Sputnik Qazaqstan tılşısı bergen sūhbatynda.
Aita ketesek, prezident Qasym-Jomart Toqaev ūstazdardyŋ märtebesıne qatysty zaŋdy jyldyŋ soŋyna deiın qabyldaudy tapsyrdy. Ükımettıŋ keŋeitılgen otyrysynda memleket basşysy mūǧalımder osy zaŋnyŋ igılıgın, paidasyn sezınuı tiıs ekenın atap öttı. Sonymen bırge prezidenttıŋ aituynşa, ūstazdar bılım salasymen qatar ǧylym salasyna da tiıstı köŋıl böluı kerek."Adyrna" ūlttyq portaly
