QTJ äskerilendırılgen temırjol küzetınıŋ jetekşılerı sottaldy. Būl turaly bügın, 31 mamyrda Antikordyŋ baspasöz qyzmetı jazdy, dep habarlaidy «Adyrna» tılşısı.
«Astana qalasynyŋ qylmystyq ıster jönındegı audanaralyq soty «Äskerilendırılgen temırjol küzetı» JŞS bas direktory B. Nahanovqa, onyŋ orynbasary A. Mūqataevaǧa jäne menedjer R. Sidikovqa qatysty ükım şyǧardy.
Olar beinebaqylau jabdyqtaryn satyp aluǧa bölıngen 159,4 mln teŋge somasyna aqşa jymqyrǧany üşın kınälı dep tanyldy.
Sondai-aq Nahanov äskerilendırılgen temırjol küzetınıŋ jürgızuşısı retınde adamdy jūmysqa ornalastyru arqyly lauazymdyq ökılettıkterın asyra paidalanǧany üşın sottaldy»,—delıngen habarlamada.
Sot ükımımen Nahanovqa 8 jyl bas bostandyǧynan aiyru jazasy taǧaiyndaldy.
Sol ükımmen Mūqataeva men Sidikov 7 jylǧa bas bostandyǧynan aiyryldy.
Atalǧan adamdar memlekettık qyzmette qyzmet atqaru qūqyǧynan ömır boiyna aiyryldy.
Ükım zaŋdy küşıne engen joq.
