Memleket basşysy Perinatologiia jäne balalar kardiohirurgiiasy ortalyǧynyŋ direktoryn qabyldady

Qazaqstan Prezidentı Qasym-Jomart Toqaev perinatologiia jäne balalar kardiohirurgiiasy ortalyǧynyŋ direktory Gülnär Nūrlanovany qabyldady, dep habarlaidy “Adyrna” ūlttyq portaly Aqordanyŋ baspasöz qyzmetıne sıltep. “Kezdesu barysynda Prezident ana men bala densaulyǧyn saqtau salasy memleketımızdıŋ basty basymdyǧy sanalatynyn atap öttı. Qasym-Jomart Toqaev otandyq densaulyq saqtau jüiesınıŋ aldynda jüktı äielder men balalarǧa medisinalyq kömektıŋ qoljetımdılıgın ärı sapasyn arttyru, ana men bala ölımın azaitu, balalardyŋ mügedektıgın erte anyqtau jäne aldyn alu jönınde maŋyzdy mındetter tūrǧanyn aitty. Memleket basşysy perzenthanalardyŋ infraqūrylymyn nyǧaitu jäne olardyŋ jūmysyna ozyq standarttar men ädıstemelerdı engızu qajettıgıne erekşe nazar audardy” delıngen habarlamada. Gülnar Nūrlanova Perinatologiia jäne balalar kardiohirurgiiasy ortalyǧynyŋ qyzmetı men jetıstıkterı jäne jüzege asyrylyp jatqan jobalary turaly mälımet berdı. Sondai-aq Ortalyq elımızdegı tua bıtken jürek aurulary bar nauqastardy baqylaudyŋ tolyq siklı jürgızıletın jalǧyz mekeme ekenın jetkızdı. Mūnda jyl saiyn 200 kardiohirurgiialyq ota jasalady. Perzenthanada düniege keletın näresteler sany 9000-ǧa, onyŋ ışınde merzımınen būryn tuǧandar şamamen 3700-ge jetedı. Prezidentke fetaldı hirurgiiaǧa qatysty revoliusiialyq joba engızıle bastaǧany jönınde baiandaldy. Medisinalyq kömektıŋ atalǧan baǧytyna säikes, tua bıtken damu kemıstıkterın korreksiialau üşın balaǧa qūrsaq ışınde jatqanda operasiia jasalady. Joba denı sau balany düniege äkelıp, ana baqytyna bölenuge mümkındık beredı. Qasym-Jomart Toqaev därıgerlerdı qoldau mäselelerıne arnaiy toqtalyp, olardyŋ qoǧam üşın sıŋırıp jatqan eŋbegı maŋyzdy ekenın atap öttı. Prezident biyl medisina qyzmetkerlerınıŋ müddesın qorǧauǧa jäne därıger qyzmetınıŋ märtebesın arttyruǧa baǧyttalǧan zaŋǧa qol qoiǧanyn eske saldy. Sonymen qatar alǧaş ret «Qazaqstannyŋ eŋbek sıŋırgen därıgerı» memlekettık nagradasy bekıtıldı.