Halyqaralyq balalardy qorǧau künınde «Jas däuren» lagerı alǧaşqy jazǧy auysymdy qabyldady. Alǧaşqylylar bolyp Şortandy audanynan jüzge juyq bala demalysyn oblystyŋ qala syrtyndaǧy lagerınde bastady.
«Balalarǧa osy künderı köŋıldı estafetalar, suret üiırmesınde, aǧaş öŋdeu şeberhanasyndaǧy jūmystar, bi keşı, keşkı kinoteatr, köŋıldıler kluby ūiymdastyryldy. Stadionda otriad arasynda futbol, voleibol jarysy da ötkızıledı. Demaluşy balalar 5 mezgıl tamaqtanady»,-deidı lager basşylyǧy.Osy jazda qala syrtyndaǧy demalys 15 mausymdyq balalar sauyqtyru ortalyǧy men 2 jyl boiy jūmys ısteitın lagerlerınde ötkızıledı. Oblys aumaǧynda üzbei jyl boiy Sandyqtau audanyndaǧy «Jas däuren» lagerı jäne Burabai audanyndaǧy «Baldäuren» respublikalyq oqu-sauyqtyru ortalyǧy jūmys jürgızude. 15 mausymdyq lagerdıŋ 7-ı memlekettık jäne 8 jeke ūiym. Memlekettık lagerler Soltüstık Qazaqstan oblysynyŋ Aqköl, Zerendı, Burabai, Ereimentau, Sandyqtau audandarynda jäne Aiyrtau audanynda jūmys jürgızetın bolady. Jeke lagerler Burabai, Zerendı, Selinograd jäne Bırjan sal audanynda ornalasqan. Jaz boiy barlyǧy balalar 7-10 künge sozylatyn 6-7 auysymda demalady.
«Jaz boiy qala syrtyndaǧy lagerlerde 14 500-ge juyq aqmolalyq oquşyny qamtu josparlanǧan. Olardyŋ bır jarymnan astamy tegın demalady. Halyqtyŋ äleumettık osal toptarynan şyqqan balalar üşın «Jalpyǧa bırdei bılım beru» qorynan joldama satyp aluǧa 121,5 mln. teŋge qarastyrylǧan», - dep bölıstı oblystyq basqarma basşysy Şoqan Orazalin.Sonymen qatar, jazǧy kezeŋde oblystyŋ 265 oquşysy «Baldäuren» respublikalyq ortalyǧynyŋ filialdaryna barady. 5 mausymnan bastap äleumettık osal toptardyŋ 150 balasy «Zvezdnyi» BSO bazasynda sauyqtyrylady. Qazırgı uaqytta QR Bılım ministrlıgımen bırlesıp «Qazaqstan halqyna» qorynyŋ qarajatynan auyl mektepterınıŋ 5-8 synyptarynyŋ 1005 oquşysyna tegın demalys ūiymdastyru turaly mäsele pysyqtaldy. Olar şyǧarmaşylyq, intellektualdy, sporttyq jarystar men festivalderdıŋ jeŋımpazdary. Sonymen qatar, 34 myŋnan astam balanyŋ qatysuymen tamaqtanatyn 198 mektep janyndaǧy alaŋ jäne 56 myŋǧa juyq oquşy demalatyn tamaqsyz 290 mektep janyndaǧy alaŋ jūmysy ūiymdastyryluda. Täuekel tobyndaǧy balalar da, halyqtyŋ äleumettık qorǧalmaǧan toptaryndaǧy balalar da nazardan tys qalmaidy. 7000 balanyŋ qatysuymen balalardyŋ jazǧy demalysynyŋ 47-ge juyq az şyǧyndy nysandary jūmyldyrylady. Būl ölketanu joryqtary, ekskursiialar,şatyrlar, kiız üiler. Barlyq demalys türlerımen 120 500 aqmolalyq bala qamtylatyn bolady.
