Ūlttyq universitterdıŋ rektorlary būdan bylai konkurstyq negızde taŋdalady. Almaty – älemdegı eŋ qauıptı elderdıŋ tızımınde. Būl turaly informburo.kz habarlaidy.
Qazaqstandyqtardyŋ üşten bırı bilıkten özgerıster kütedı
Demoscope qoǧamdyq pıkırge jedel monitoring jürgızu biurosy Qazaqstan azamattary arasynda 9-şy mausymda ötken Prezident sailauyna qatysty saualnama jürgızıptı. Oǧan eldegı 14 oblys pen respublikalyq maŋyzy bar qalalarda (Nūr-Sūltan, Almaty, Şymkent) tūratyn 1100 adam qatysqan. Olardyŋ 49%-y saiasi habarlarǧa anda-sanda köz salsa, üşten bırı ony mült jıbermeitını belgılı bolǧan. Halyqtyŋ besten bırı ǧana elde bolyp jatqan oqiǧalarǧa bei-jai qaraidy eken. Respondentterdıŋ 67%-y sailauǧa qatystym dep jauap bergen. Sūralǧandardyŋ jartysy (53%) Q.Toqaev qyzmetıne resmi türde kırıskennen keiın eldegı jaǧdai jaqsarady dep ümıttı. Üşten bırınıŋ (28%) boljamynşa, barlyǧy sol qalpynda qalady. Qazaqstandyqtardyŋ basym bölıgı üşın eldegı tūraqtylyq asa maŋyzdy. Azamattardyŋ üşten bırı (33%) bilıkten oŋ özgerıster kütedı. Saualnamaǧa jauap bergenderdıŋ arasynda 18-24 aralyǧyndaǧy jastar arasynda narazylyq nyşandary baiqalady. Basqa toptarǧa qaraǧanda, osy jastar özgerısterdıŋ bolǧanyn qatty qalaidy eken (48%). 55 pen 64 jas arasyndaǧy qatysuşylarǧa eldegı tūraqtylyq maŋyzdy.46 myŋ astanalyq medisinalyq saqtandyru jüiesınen tys qalǧan
Bas qaladaǧy №2 köpbeiındı auruhananyŋ bas därıgerı İvan Lidıŋ aituynşa, olardyŋ bärı özın-özı jūmyspen qamtyǧan azamattar. - Qysqa uaqytta halyqtyŋ osy tobynyŋ statusyn anyqtamasaq, 2020 jyldan bastap äleumettık dau-damai tuyndau qaupı bar, – deidı İ.Li. Bas därıger būqaranyŋ basym bölıgınıŋ keler jyly özderın ne kütım tūrǧanynan beihabar ekenın aitady.Adam qūqyqtary jönındegı uäkıl Bılım ministrıne ündeu jariialady
QR Ombudsmenı A.Şäkırovtıŋ aituynşa, balalardy alty jastan mektepke qabyldau jüzege asyru maŋyzdy paiymdaudy talap etedı. Sonyŋ ışınde Qazaqstan Respublikasynyŋ Äkımşılık qūqyq būzuşylyq turaly kodeksınıŋ 127-babyna säikes ony oryndamau aiyppūldan äkımşılık qamauǧa deiın jazaǧa äkep soǧady. - Kelıp tüsken ötınışterdı taldau nätijesınde, köptegen azamat üşın būl jaŋalyq fors-majorlyq jaǧdai bolyp tabylatyn atap ötu qajet. Öitkenı jaŋa normanyŋ küşıne enuı 2016 jyldyŋ säuır aiynda zaŋ jüzınde qarastyrylǧanyna qaramastan, qajettı aqparattyq-daiyndyq jäne täjıribelık süiemeldeu jürgızılmegen,- delıngen ombudsmennıŋ baspasöz qyzmetı taratqan habarlamada. Adam qūqyqtary jönındegı uäkıl ötken jyly elımızdıŋ mektepterınde bır synypqa 25 oquşydan köp bala qabyldanǧanyn atap öttı. Ol mūnyŋ zaŋbūzuşylyq ekenın, biyl da osy jaǧdai qaitalanyp, üş auysymdy mektepter sany köbeiu qaupı baryn aitady. Būl tūrǧyda ombudsmen ündeuhatynyŋ soŋynda uäkılettı organǧa jaǧymdy bastamany ıske asyru kezınde jaǧymsyz saldarlardy boldyrmau şaralaryn qabyldau maqsatynda qalyptasyp jatqan jaǧdaidy jan-jaqty taldaudy ūsyndy.Ūlttyq universitterdıŋ rektorlary būdan bylai konkurstyq negızde taŋdalady
Būl turaly Prezident Q.Toqaev özınıŋ Twitter-degı paraqşasynda jazdy. "QR Bılım jäne ǧylym ministrı Ashat Aimaǧambetovke ūlttyq universitetterdıŋ rektorlaryn konkurstyq negızde Ükımet qaulysymen taǧaiyndau jönınde normativtık qūjattar äzırleudı tapsyrdym. Qazırgı rektorlardy Prezident jarlyǧymen taǧaiyndau prosedurasy küşın joiady" delıngen Memleket basşysynyŋ jazbasynda.Almatynyŋ audandyq äkımdıkterı mügedekterdı jūmyspen qamtuǧa bölıngen qarajattardy igermegen
"Äleumettık qyzmetkerler, mügedekter jäne erıktıler assosiasiiasy" qoǧamdyq bırlestıgınıŋ prezidentı Gülnūr Hakımjanovanyŋ aituynşa, 2018 jyly mümkındıgı şekteulı jandarǧa 770 jūmys ornyn aşu üşın 105 mln teŋge bölıngen. Alaida äkımdıkter būl qarjynyŋ 24 mln igerıp, josparly körsetkıştıŋ 13%-yn ǧana oryndaǧan. Bırlestık basşysy atqaruşy organdardyŋ baǧdarlamany jüzege asyrmai otyrǧanymen bırge, ony oryndauǧa jauapty emestıgın alǧa tartty. Būl rette käsıpkerlerdıŋ mügedekterdı jūmysqa tūrǧyzuǧa qūlyqsyzdyǧy da aityldy.Euraziia ekonomikalyq odaǧyna müşe elder valiuta baǧamynyŋ saiasatyn üilestıru jönınde keŋes qūrady
Odaqqa müşe elderdıŋ baǧam saiasaty jönındegı keŋesı turaly kelısım jobasyn Euraziia ekonomikalyq komissiiasy maqūldady. Qūjat odaq turaly kelısım-şart şarttary negızınde äzırlengen. Onda baǧam saiasatyn qūramyna odaqqa müşe elderdıŋ ūlttyq bank töraǧalary kıretın bölek organ üilestıretını nyqtap jazylǧan.Magistraturaǧa grantqa tüsu üşın keşendı testıleudıŋ şektı baly tömendetıluı mümkın
Bılım jäne ǧylym ministrlıgı osyndai ūsynys tastady. Qauly jobasy talqylau üşın Aşyq ükımet portalyna jariialandy.
Ūsynylǧan özgerısterge säikes, bolaşaq magistranttar konkursqa qatysu üşın qazaq jäne orys tılderınde oqityn magistratura üşın keşendı testıleuden 75 ball alu (būryn 100 ball), aǧylşyn tılındegı magistraturaǧa 50 ball (būryn 60 ball) alu jetkılıktı.
Qazaqstan men Özbekstandy jalǧaityn "Beineu – Aqjıgıt – Özbekstan şekarasy" avtojoly aşyldy
Ūzyndyǧy 85 şaqyrymdy qūraityn kölık dälızı Qazaqstan men Özbekstannyŋ tranzittık äleuetınıŋ artyp, aradaǧy sauda ainalymynyŋ ösuıne yqpal etpek. Saltanatty şaraǧa ekı eldıŋ premer-ministrlerı Asqar Mamin men Abdulla Ärıpov qatysyp, jobanyŋ sättı aiaqtaluymen qūttyqtady. Jaŋa jol – Ortalyq Aziia elderı tauarlaryn Resei men Kavkazǧa, odan ärı qarai Europaǧa kedergısız jetkızuge mümkındık beretın eŋ qysqa jol bolyp otyr. Joldy jöndeu jūmystary 2017 jyly şıldede bastalǧan. Qūny 19,8 mlrd tūratyn jobaǧa "Temırjol Jöndeu" JŞS merdıger boldy. Qarjylandyru respublikalyq biudjetten jüzege asyrylǧan.
"Adyrna" ūlttyq portaly
