Oraldaǧy Tūŋǧyş Prezident alaŋynda 4 mausym – QR Memlekettık rämızder künıne arnalǧan şara öttı.
Saltanatty jiynda Qazaqstan Respublikasynyŋ Memlekettık Gimnı oryndalyp, Memlekettık tuy köterıldı.

BQO äkımınıŋ orynbasary Baqytjan Narymbetov halyqty merekemen qūttyqtady.
– Sızderdı 4 mausym – Memlekettık rəmızder künımen şyn jürekten qūttyqtaimyn! 1992 jyly 4 mausymda elımızdıŋ memlekettık rämızderı bekıtıldı. Halyqaralyq deŋgeide moiyndaldy. Bairaǧymyz BŪŪ-nyŋ törınde tūr. Ony ǧaryşkerlerımız kök jüzıne köterdı. Alpinisterımız älemnıŋ eŋ biık şyŋdaryna ornatty. Sportşylar jeŋıs tūǧyrynan jelbıretıp, Gimnımızdı şyrqatty. Küllı älem qazaq elın kök bairaǧyna qarap tanityn boldy. Memlekettık rämızder – Täuelsızdıgımızdıŋ nyşany, babalarymyzdyŋ armany jäne ajyramas bölıgı. Prezidentımız ūlttyq bıregeilıgımızdı älemde däleldeitın ekı faktordy atap öttı. Ol - bızdıŋ Kök tölqūjatymyz ben Kök bairaǧymyz. Kök tudyŋ astynda bırıgıp, bır ūlt bolyp ūiysuǧa şaqyrdy.
«Bırlık bar jerde tırlık bar!» degen qazaqtyŋ dana sözı osyndaida aitylsa kerek. Keşegı 100 jylda bır qaitalanatyn, su tasqynymen küresude Qazaqstannyŋ tüpkır-tüpkırınen avtokölıkter men azamattar öz erıkterımen kelıp, üles qosty. Halqymyzdyŋ eren eŋbegı men bırlıgınıŋ arqasynda 84 eldı meken su apatynan aman qaldy.
Otandastarymyz zardap şekken jandarǧa jappai qol ūşyn sozdy. Bır-bırıne şynaiy janaşyr boldy. Sondyqtan Batys Qazaqstan oblysy Nariman Töreǧalievtıŋ atynan su tasqynyna qarsy küreste üles qosqan azamattarǧa alǧys aitamyn.
Elımız aman, jūrtymyz bolsyn! - dedı Baqytjan Haberūly.
Äkım orynbasary su tasqynyna bailanysty tötenşe jaǧdai uaqytynda el üşın aianbai eŋbek etken bır top azamatty marapattady.
Olardyŋ arasynda JOO-nyŋ rektorlary jäne erıktıler bar.
