Memlekettık tu kökte jelbıredı

1020
Adyrna.kz Telegram
https://adyrna.kz/content/uploads/2024/06/fd7d6202-05f3-4e2c-9780-ff55dc789a92.jpeg

Memlekettık rämızder künı Oral qalasyndaǧy Tūŋǧyş Prezident alaŋynda saltanatty türde atalyp öttı. Biyl rämızderımızdıŋ qabyldanǧanyna 32 jyl toldy. Eske sala ketsek, elımızdıŋ tūŋǧyş rämızderı – Tu men Eltaŋba 1992 jyldyŋ 4 mausymynda qabyldanǧan edı.

 Saltanatty şarada söz alǧan oblys äkımınıŋ orynbasary Baqytjan Narymbetov barşany Batys Qazaqstan oblysy Nariman Töreǧalievtıŋ atynan qasiettı  merekemen  qūttyqtady.

 Qazaqstan Respublikasynyŋ rämızderı –  Memlekettık Tu, Memlekettık Eltaŋba jäne Memlekettık Gimnı bızdıŋ memlekettıŋ egemendıgı men bırtūtastyǧyn beineleitın,  ajyraǧysyz atributtarynyŋ bırı. Biyl memlekettık rämızderdıŋ tarihyndaǧy  oqiǧalar jetkılıktı  – Memlekettık Tudyŋ avtory Şäken Niiazbekovtyŋ 80 jyldyǧy jäne Talǧat Mūsabaevtyŋ tūŋǧyş ret Memlekettık Tudy ǧaryşqa alyp şyǧuyna 30 jyl tolyp otyr.

Prezidentımız  Qasym-Jomart Kemelūly Toqaev  memlekettık rämızderdıŋ rölıne airyqşa män berıp keledı. Bügınde bairaǧymyz Bırıkken Ūlttar Ūiymynyŋ törınde tūr. Ony ǧaryşkerlerımız kök jüzıne köterdı. Alpinisterımız älemnıŋ eŋ biık şyŋdaryna ornatty. Sportşylar jeŋıs tūǧyrynan jelbıretıp, Gimnımızdı şyrqatty. Küllı älem qazaq elın kök bairaǧyna qarap tanityn boldy. Bız – osyndai sätterde quanamyz, ruhymyz köterılıp, elımızdıŋ erteŋıne senemız! «Bırlık bar jerde tırlık bar!» degen qazaqtyŋ dana sözı osyndaida aitylsa kerek. Keşegı, 100 jylda bır qaitalanatyn,  su tasqynymen küresude Qazaqstannyŋ tüpkır-tüpkırınen  avtokölıktermen azamattar öz erıkterımen kelıp, ülesterın qosty. Halqymyzdyŋ eren eŋbegı men bırlıgınıŋ arqasynda 84 eldımeken  su apatynan aman qaldy. Qūtqaruşylar, volonterler, memlekettık qyzmetşıler, sarbazdar, tärtıp saqşylary, qoǧam belsendılerı, biznes ökılderı jäne jastar – bärı bırge jürdı. Ortaq ısten eşkım şet qalǧan joq. Otandastarymyz zardap şekken jandarǧa jappai qol ūşyn sozdy. Bır-bırıne şynaiy jaŋaşyr boldy. Bız ūlt retınde syn-saǧatta, qiyn qystauda ata-babamyzdan qalǧan bır Tudyŋ astynda bırıgu qasietımızdı joǧaltpaǧanymyzdyŋ dälelı, – degen Baqytjan Qaberūly  tötenşe jaǧdaimen küresuge zor üles qosqan naǧyz otanşyl azamattarǧa rizaşylyq bıldırıp, Alǧys hattar tabystady. Olardyŋ qatarynda joǧary oqu ornynyŋ rektorlary men erıktı jastar bar.

Solardyŋ bırı  – jas käsıpker Bauyrjan Baqtyǧaliev.   Būdan būryn «Village park», «A-frame» demalys oryndarynyŋ negızın qalauşy, «Bal bala» bakşasynyn investory retınde tanymal jas, biyldan bastap erıktıler sapyna qosyldy.  – El basyna qauıp töngende beijai qarai almadym. «Oral jastary» chatynda san salada jürgen jastar bas qosyp, oi bölıstık. Barymyzşa el üşın eŋbek etuge tyrystyq. Äleumettık jelınıŋ äleuetın tiımdı paidalanyp, halyqqa der kezınde aqparat jetkızıp otyrdyq. Eŋbegımızdı elep jatqan jandarǧa alǧysym şeksız, – deidı 32 jasar belsendı.

           Merekelık şarada jastardyŋ ruhyn oiatyp, jıgerın janityn patriottyq änder şyrqalyp, jūrtşylyq erekşe köŋıl-küimen tarqasty.

 

Pıkırler