Memlekettık keŋesşı Erlan Qarin «Bırlık pen damu: Memleket basşysy Qasym-Jomart Toqaevtyŋ saiasi baǧdarynyŋ basty negızderı», atty maqalasynda prezidenttıŋ syndarly saiasatyndaǧy män men maǧynany aşyp, taǧylymy men tuyndau tarihyn tüsındırdı, dep habarlaidy "Adyrna" ūlttyq portaly.
Maqala «Egemen Qazaqstan» gazetınde jariialandy. Materialda ädılettı Qazaqstan, jaŋa ideologiia, jaŋaşa özgerıster, qoǧamdyq etika, pıkırtalas, bilık pen halyqtyŋ dialogy, memlekettık apparattaǧy tyŋ jüie, jasampazdyq joly syndy taqyryptar qamtylǧan segız bölımşeden tūrady.
Memlekettık keŋesşı "Ädılettı Qazaqstan" ūǧymynyŋ mänın tüsındırdı:
"Şyn mänınde, Ädılettı Qazaqstan – bäzbıreuler aityp jürgendei, bilıktıŋ oilap tapqan jasandy ideiasy emes, Prezidenttıŋ strategiialyq baǧdarynyŋ ideialyq negızı. Qasym-Jomart Toqaev özınıŋ eŋ negızgı missiiasy – Ädılettı Qazaqstandy qūru ekenın ünemı aityp jür. Saiasi, ekonomikalyq jäne äleumettık-mädeni salalarda jürgızılıp jatqan jüielı reformalardyŋ bärı, eŋ aldymen, osy strategiialyq maqsatqa qol jetkızuge arnalǧan. Prezidenttıŋ elımızdı tübegeilı jäne jan-jaqty jaŋǧyrtuǧa qatysty baiyptamasynyŋ tüpkı mänı osynda jatyr" delındı maqalada.
Sonymen qatar, ol «Ärtürlı pıkır – bırtūtas ūlt», «Halyq ünıne qūlaq asatyn memleket», «Zaŋ jäne tärtıp», «Küştı Prezident – yqpaldy Parlament – esep beretın Ükımet», «Adal azamat» atty bes tūjyrymdy tüsındırdı.
"Bıregeilıgımızdı jäne özındık ömır saltymyzdy saqtau – ışkı saiasatymyzdyŋ kün tärtıbınde tūrǧan basty mındet. Būl – bızdı basqa elderden, basqa halyqtar men basqa mädenietterden erekşelep tūratyn qūndylyqtar, iaǧni jūrtymyzdyŋ tamyry tereŋ şejıresı, köp ūltty, köp tıldı sipaty, dıni toleranttylyǧy jäne mädenietımızdıŋ är aluandyǧy, bır-bırımızben tıl tabysa bıluımız, özara qoldau körsetuımız jäne yrysty yntymaǧymyz. Osynyŋ bärı tūtasa kelgende, Qazaqstannyŋ ömır saltyn tanytady. Bır sözben aitsaq, bız ozyq oily ūlt retınde ärdaiym strategiialyq baǧdarymyzdy berık ūstanyp, ūlttyq müddemız ben ömır saltymyzdy däiektı ärı tabandy türde qorǧauymyz kerek" dep jazdy Erlan Qarin.
Memleket basşysy engızgen özgerısterdıŋ ūtymdylyǧy men onyŋ astaryndaǧy dästür men salt negızınıŋ astasyp jatuyn saralap jetkızgen Erlan Qarin öz maqalasynda eldıŋ ışkı jäne syrtqy saiasatyndaǧy maŋyzdy dünielerdı atap körsettı:
"Qazaqstan ışkı jäne syrtqy saiasatyn bıreuge ūnau üşın nemese qandai da bır ürdıske ılesu üşın jürgızbeidı. Bız, eŋ äuelı, ūlt müddesın, töl ūstanymdarymyzdy basşylyqqa alamyz. Jahandyq saiasatta köŋılşektık pen aŋǧaldyqqa jol beruge äste bolmaidy. Köp vektorly nemese beitarap saiasat jürgızu oŋai ärı yŋǧaily degen pıkır bar. Būl şyndyqqa janaspaityn diletanttyq tūjyrym deuge bolady. Qazaqstan köp vektorly, saliqaly saiasat jürgızıp otyr. Mūndai saiasat ūstanu, äsırese jer jüzı san tarapqa bölıngen qazırgı kezeŋde öte qiyn jäne orasan zor küş-jıgerdı talap edı" delıngen Memlekettık keŋesşı maqalasynda.
Ūqsas jaŋalyqtar
