Prezident janynan jaŋa qyzmet qūryldy

2016
Adyrna.kz Telegram
https://adyrna.kz/content/uploads/2019/07/photo_58125.jpg
Qazaqstan Respublikasynyŋ Prezidentı janyndaǧy "Ortalyq kommunikasiialar qyzmetı" respublikalyq memlekettık mekemesın qūru jäne Qazaqstan Respublikasy Prezidentınıŋ keibır jarlyqtaryna özgerıs pen tolyqtyrular engızdı, - dep habarlaidy adyrna.kz tılşısı Aqorda saityna sılteme jasap. "Qazaqstan Respublikasynyŋ Prezidentı turaly» Qazaqstan Respublikasynyŋ 1995 jylǧy 26 jeltoqsandaǧy Konstitusiialyq zaŋynyŋ 33-babyna säikes qauly ettı: Nūr-Sūltan qalasynda Qazaqstan Respublikasynyŋ Prezidentı janyndaǧy «Ortalyq kommunikasiialar qyzmetı» respublikalyq memlekettık mekemesı (būdan ärı – mekeme) qūrylsyn. Mekemenıŋ ştat sany 33 bırlık mölşerınde belgılensın. Qazaqstan Respublikasy Prezidentınıŋ Äkımşılıgı mekemege qatysty uäkılettı organ bolyp aiqyndalsyn.  Qazaqstan Respublikasynyŋ Prezidentı mekeme direktoryn qyzmetke taǧaiyndaidy jäne qyzmetten bosatady dep belgılensın. Qazaqstan Respublikasynyŋ Ükımetı Qazaqstan Respublikasy Aqparat jäne qoǧamdyq damu ministrlıgınıŋ "Ortalyq kommunikasiialar qyzmetı" respublikalyq memlekettık mekemesın, onyŋ mülkın mekemege bere otyryp, taratsyn; bır ai merzımde mekemenıŋ jarǧysyn äzırlep, belgılengen tärtıpte bekıtuge engızsın; mekemenıŋ memlekettık tırkeluın qamtamasyz etsın; osy Jarlyqtan tuyndaityn özge de şaralardy qabyldasyn. Qazaqstan Respublikasy Prezidentınıŋ Is basqarmasy Qazaqstan Respublikasy Qarjy ministrlıgımen bırlesıp, mekemenı ornalastyru üşın Qazaqstan Respublikasynyŋ zaŋnamasynda belgılengen tärtıppen üi-jai böludı qamtamasyz etsın. Osy Jarlyqqa qosymşaǧa säikes Qazaqstan Respublikasy Prezidentınıŋ keibır jarlyqtaryna özgerıs pen tolyqtyrular engızılsın.

"Adyrna" ūlttyq portaly

Pıkırler