Memleket basşysy Qasym-Jomart Toqaev Premer-Ministrdıŋ orynbasary Qanat Bozymbaevty qabyldady, dep habarlaidy «Adyrna» tılşısı Aqordaǧa sılteme jasap.
Prezidentke Ükımettıŋ su tasqyny saldaryn joiu jäne zardap şekken azamattarǧa kömek körsetu üşın atqaryp jatqan jūmystary jönınde mälımet berıldı.
Premer-Ministrdıŋ orynbasary bügınde 64 myŋnan astam adam öz üilerıne oralǧanyn aitty.
Evakuasiialyq punktterde tūrǧyndarǧa qajettı kömek körsetılude. Tabiǧat apaty kezınde jalpy 11 998 tūrǧyn üidı, 5359 saiajai qūrylysyn su basqan.
Qanat Bozymbaevtyŋ aituynşa, zardap şekken öŋırlerde 16715 üi tekseruden ötken. Onyŋ ışınde 15 464 nysandy baǧalau jūmystary aiaqtalǧan. Baǧalau nätijesı boiynşa 9903 üidı jöndeuge bolady, al 6875 üi qalpyna keltıruge jaramsyz dep tanyldy. Jaramsyz üilerdıŋ ornyna naryqtan 4525 üi men päter satyp alu, sondai-aq tiptık jobamen 2350 üi salu josparlanyp otyr.
Bügınde naryqtan 1814 päter men üi satyp alu üşın kelısımşarttar jasalǧan. Zardap şekken aimaqtardaǧy 841 otbasy būrynǧy būzylǧan üilerınıŋ ornyna jaŋa baspanaǧa qonystandy.
Qazırgı uaqytta 4521 otbasy üilerın jöndeu jäne qalpyna keltıru maqsatynda 57,4 milliard teŋge kölemınde ötemaqy aldy. Jalpy, tūrǧyn üilerdı qalpyna keltıruge 237 milliard teŋge qajet.
Sonymen qatar Memleket basşysyna bırrettık tölemderdı töleu üşın Ükımet tarapynan qabyldanyp jatqan şaralar jönınde baiandaldy. 2024 jylǧy 6 mausymdaǧy jaǧdai boiynşa 31642 otbasy 100 AEK mölşerınde bırrettık tölemaqy aldy (barlyǧy 32440 otbasydan ötınış tüstı). Oǧan jūmsalǧan qarjy somasy 11 milliard teŋgeden asady. Būl baǧyttaǧy jūmystar Qaraǧandy, Pavlodar, Aqmola, Abai, Ūlytau oblystarynda tolyq aiaqtaldy. Al Aqtöbe, Batys Qazaqstan, Soltüstık Qazaqstan, Qostanai, Atyrau oblystarynda tölem beru jalǧasyp jatyr.
Bülıngen dünie-mülıkke jürgızılgen baǧalau ısı aiaqtalǧannan keiın zardap şekken tūrǧyndarǧa eŋ qajettı zattar satyp alu üşın 150 AEK-ke deiıngı mölşerde qosymşa ötemaqy tölenedı (5489 otbasy 4 milliard teŋge kölemınde ötemaqy aldy). Zardap şekken bizneske keltırılgen zalaldy öteu jūmystary bastaldy.
Qazırgı uaqytta öŋırlık komissiialar şaǧyn jäne orta biznes subektılerınıŋ jalpy somasy şamamen 377 million teŋge bolatyn 34 ötınımın qarap, maqūldady.
Kezdesu soŋynda Memleket basşysy zardap şekken tūrǧyn üilerdı baǧalau, tehnikalyq tekseru jürgızu ısın jedeldetudı, sondai-aq olardy salu merzımı men qūrylys sapasyn baqylauǧa aludy tapsyrdy.
