Jaqynda Arys qalasynan kelgen balalarǧa arnalǧan «Bır şaŋyraq astynda» festivalı öttı. Abai atyndaǧy kıtaphanada «Qaraǧaily» şipajaiynda demalyp jatqan 58 balaǧa tanymdyq ekskursiiasy jürgızıldı. Ūiymdastyruşylar balalardy jas mölşerıne qarai ekı topqa böldı. Eresek topqa ūiymdastyruşylar arnaiy 3 alaŋdy daiyndaǧan. Būl jerde balalar üstel tennisı alaŋy, sūhbat alaŋy jäne balalar ädebietı bölımımen tanysa aldy. Al, jasy kışı topqa uaqyt jyldamdyǧyna qarai oqu-jattyǧu jūmystary ūiymdastyryldy. Şara Dostyq üiınde jalǧasyn tapty. Balalar özge ūlt ökılderınıŋ daiyndaǧan merekelık konsertın tamaşalady.
- Bız bırlıgı men yntymaǧy jarasqan elmız. Qiyn kezde kömek körsetu bızder üşın paryz. Būl şarada özge ūlt ökılderı «Aryspen bırge» ekendıkterın körsetude. Balalarǧa arnalǧan merekelık konsert ūiymdastyrylyp, tamaşa köŋıl-küi syilauda, - dedı Dostyq üiınıŋ basşysy Nadejda Şarova.
Şara soŋy, «Mektepke barar jol» aksiiasymen qorytyndylandy. Arnaiy demeuşılerdıŋ qarajaty esebınen balalarǧa mektepke qajet qūral-jabdyqtar syiǧa tartyldy.
Aita keteiık, şara Semei qalasynyŋ Dostyq üiı, etnomädeni bırlestıkter, qoǧamdyq kelısım keŋesı, Analar keŋesı, «Janūia ortalyǧy» qoǧamdyq qory men Abai atyndaǧy kıtaphana qyzmetkerlerınıŋ ūiymdastyruymen ötkızıldı.
"Adyrna" ūlttyq portaly
