Jaqynda Semei qalasynyŋ baspasöz ortalyǧynda tūrǧyn üi – kommunaldyq şaruaşylyq jäne tūrǧyn üi inspeksiiasy bölım basşysynyŋ qatysuymen baspasöz mäslihaty öttı. Brifing barysynda bölım basşysy osy uaqytqa deiın atqarylǧan jūmystar legın baiandady.
Halyq kökeiınde jürgen maŋyzdy sūraqtardyŋ bırı – ortalyq saiabaqtyŋ qai uaqytta qoldanysqa berıletındıgı. Baspasöz mäslihatynda köptıŋ sūrauly sūraǧyna jauap berıldı. Qala tūrǧyndarynyŋ demalys orny sanalatyn ortalyq saiabaqtaǧy jūmystar älı de jalǧasady. Saiabaq 2019 jyldyŋ 10 säuırınen qaita qūru jūmystaryna jabylǧan edı. Alaida, saraptama jūmystary osy aidyŋ 20-nan keiın şyǧyp, merdıger kompaniiamen kelısımşart jasalaly. Memlekettık satyp alu jūmystary merzımı tolyq aiaqtalǧannan keiın, merdıger kompaniia jūmysqa kırısedı. Osylaişa, ortalyq saiabaq qazan aiyna deiın jaŋa kelbetke ie bolmaq. Aita keteiık, atalǧan jūmysty ıske asyruǧa 1 mlrd. teŋge qarjy bölıngen.
- Saiabaqty qaita qūru şeŋberınde kögaldandyru, jaiau jürgınşıler joldaryn, demaluǧa arnalǧan alaŋdardy, sporttyq trenajerlerdı, tennis korttaryn, şaǧyn säulet nysandaryn (oryndyqtar, qoqys jäşıkterı, auyz su būrqaqtary) balalardyŋ oiyn alaŋdaryn, qoǧamdyq därethanalardy salu, velosiped joldaryn ūiymdastyru, jaiau jürgınşıler jolyn auystyru jūmystary qarastyrylǧan. Al, osy uaqytqa deiın ortalyq saiabaq aumaǧyndaǧy aǧaştardy kesu jäne trotuar tösenışın bölşekteu jūmystary jürgızıldı, - dedı. A. Ötelbaev.
Semei qalasynyŋ aqparattyq ortalyǧy
"Adyrna" ūlttyq portaly
