Oral qalasynda su tasqyny saldarynan jalǧyz baspanasy jaramsyz dep tanylǧan taǧy 12 saiajai tūrǧyny baspanaly boldy. Jaŋa päterler demeuşıler qarjysyna satyp alyndy. Būl turaly Batys Qazaqstan äkımdıgı jariialady, dep habarlaidy “Adyrna” ūlttyq portaly.
Aita keteiık, Memleket basşysy su tasqynynan zardap şekken tūrǧyndarǧa tiıstı kömek körsetudı tapsyrǧan bolatyn.
Ükımet basşysynyŋ tapsyrmasyna säikes, qarjylyq ūiymdar men demeuşıler öŋırdegı zardap şekken tūrǧyndarǧa qol ūşyn sozyp, kömegın berude.
Komarovo saiajaiynyŋ tūrǧyny Ainaş Sämenovanyŋ jalǧyz baspanasy suǧa ketıp, jaramsyz
dep tanylǧan. Bügın ol jaŋa päterıne kırdı.
«2017 jyly Komarovo saiajaiynan üi salyp, otbasymyzben tūryp jatqan edık. Köktemgı tasqyn kezınde üiımızdı su basty. Qazır, mıne, jaŋa päterdıŋ kıltın qolymyzǧa aldyq. Qalanyŋ ortalyǧynda jaŋa üide tūramyz dep kütken joqpyz. Osyndai jaǧdai jasaǧan Memleket basşysyna alǧysymdy bıldıremın», - dedı ol.
Jalpy Oral qalasynda künı bügınge saiajaidaǧy jalǧyz üilerın su basqan 71 otbasyǧa baspana berıldı. Būl jūmys ärı qarai jalǧasady.
Ūqsas jaŋalyqtar
Jalpy Oral qalasynda künı bügınge saiajaidaǧy jalǧyz üilerın su basqan 71 otbasyǧa baspana berıldı. Būl jūmys ärı qarai jalǧasady.
