Mäjılıstegı «AMANAT» fraksiiasynyŋ keŋeitılgen jiynynda deputattar Ükımet müşelerımen bırge partiianyŋ sailaualdy baǧdarlamasynyŋ jüzege asyrylu barysyn talqylady. Mäselen, byltyr elımızde 17 mln şarşy metr tūrǧyn üi paidalanuǧa berıldı, 165 mektep pen 611 balabaqşa aşyldy, 470 myŋnan astam jas azamat jūmysqa ornalastyryldy.
Söz basynda Mäjılıs Spikerı, «AMANAT» partiiasynyŋ Töraǧasy Erlan Qoşanov «AMANAT» parlamenttık köpşılık partiia retınde Memleket basşysyna Premer-Ministrdıŋ kandidaturasyn ūsynǧanyn jäne Ükımet qūramyn jasaqtauǧa tıkelei atsalysqanyn eske saldy. Sondyqtan, «Halyqpen bırge!» sailaualdy baǧdarlamasynyŋ sapaly oryndaluy – partiianyŋ, deputattyq korpustyŋ jäne Ükımettıŋ ortaq jauapkerşılıgı.
«Sailaualdy baǧdarlama – bızdıŋ basty qūjatymyz. Būl – el damuyna dauys bergen milliondaǧan otandasymyzdyŋ senımı. Sondyqtan halyqtyŋ ümıtın aqtap, osy uädelerdı oryndau – bızdıŋ ortaq jauapkerşılıgımız. Prezident Qasym-Jomart Toqaev 2029 jylǧa qarai el ekonomikasyn ekı ese arttyru mındetın qoidy. Mūnyŋ bärı partiianyŋ sailaualdy baǧdarlamasynda jäne bekıtılgen Jol kartasynda közdelgen. Ükımetpen de kelısılgen. Būǧan salalyq ministrlıkter men fraksiia müşelerı tıkelei jauap beredı», – dedı ol.
Sonymen qatar, partiia Töraǧasy partiianyŋ sailaualdy baǧdarlamasyn oryndau boiynşa Jol kartasyn jüzege asyrudaǧy oŋ dinamikaǧa nazar audardy. Mäselen, tūrǧyn üi qoljetımdılıgın arttyru üşın 2023 jyly 17 mln şarşy metr baspana salyndy. Al Jol kartasy boiynşa 15,5 mln şarşy metr tūrǧyn üi salu közdelgen bolatyn. «Jer amanaty» jobasy aiasynda 10 mln gektardan astam auyl şaruaşylyǧy jerlerı memleket menşıgıne qaitaryldy.
Öz kezegınde, Premer-Ministrınıŋ orynbasary – Ūlttyq ekonomika ministrı Nūrlan Baibazarov partiianyŋ sailaualdy baǧdarlamasyn jüzege asyru boiynşa Ükımettıŋ atqarǧan jūmysy turaly baiandady. Ol ekonomikany damytu, biznestı, auyl şaruaşylyǧyn, öndırıstı qoldau, azamattardyŋ tabysyn arttyru, äleumettık saiasatty jaqsartu, jūmyspen qamtu mäselelerın şeşu, öŋırlerdıŋ infraqūrylymdyq damuy jäne özge de maŋyzdy baǧyttar boiynşa qabyldanǧan şaralarǧa egjei-tegjeilı toqtaldy.
«Ükımet özınıŋ barlyq äleumettık mındettemelerın oryndauda. Būl maqsattarǧa respublikalyq biudjettıŋ 40%-dan astam qarajaty bölınedı. Mäselen, byltyrdan bastap atauly äleumettık kömek şeŋberınde 1 jastan 6 jasqa deiıngı ärbır balaǧa 1,5 AEK mölşerınde qosymşa tölem belgılendı. 2023 jyly būl tölemdı 186,8 myŋ bala aldy. Būǧan qosa, biyl bazalyq zeinetaqynyŋ eŋ tömengı mölşerı 65%-ǧa, al eŋ joǧary mölşerı eŋ tömengı künkörıs deŋgeiınıŋ 105%-na deiın ūlǧaityldy. Aita keteiık, bügınde Qazaqstan TMD elderı arasynda eŋ joǧary ortaşa zeinetaqy mölşerıne ie», – dedı ol.
Sonymen qatar, türlı sanattaǧy azamattardyŋ: äskeri qyzmetşılerdıŋ jalaqysy – 50%-ǧa, tötenşe jaǧdailar qyzmetkerlerınıŋ jalaqysy – 40%-ǧa, därıgerlerdıŋ eŋbekaqysy – 30%-ǧa, medisina qyzmetkerlerınıŋ jalaqysy – 20%-ǧa, mädeniet jäne arhiv ısı qyzmetkerlerınıŋ eŋbekaqysy – 20%-ǧa östı. Sonymen qatar, byltyr 67 myŋ oryndyq 611 mektepke deiıngı mekeme jäne 137,8 myŋ oryndyq 165 mektep aşyldy. 473 myŋ jas azamat jūmysqa ornalastyryldy. Premer-Ministrdıŋ orynbasary tūrǧyn üimen qamtamasyz etu şaralaryna jeke toqtaldy.
«Jyl soŋyna deiın 18 mln şarşy metr tūrǧyn üi salu josparlanuda. Biyl jalǧa berıletın tūrǧyn üi qūrylysyna «Samūryq-Qazynadan» alǧaş ret 272 mlrd teŋge bölındı, onyŋ 40%-y audandyq deŋgeidegı tūrǧyn üi qūrylysyna arnalǧan. Sondai-aq, biyl «Otbasy bank» jelısı boiynşa 20 myŋ otbasyna 7-9% jeŋıldıkpen nesie beru josparlanuda», – dedı N.Baibazarov.
Premer-Ministrdıŋ orynbasary 2023 jyly şikızattyq emes tauarlar men qyzmetterdıŋ jalpy eksporty 35,6 mlrd AQŞ dollaryn qūraǧanyn aitty. Ol sondai-aq deputattardy auyl şaruaşylyǧyn memlekettık qoldaudyŋ jüielı şaralary turaly habardar ettı. Bügınde «Auyl amanaty» jobasy aiasynda 89,9 mlrd teŋge somasyna 14,2 myŋ şaǧyn nesie berıldı. Būl qadam 15,7 myŋnan astam jūmys ornyn qūruǧa mümkındık berdı.
Öz kezegınde, «AMANAT» partiiasynyŋ Hatşysy Erjan Jylqybaev jergılıktı jerdegı partiialyqtar jauapty memlekettık organdarmen bırge sailaualdy uädelerdıŋ jüzege asyryluyna tūraqty monitoring jürgızudı jalǧastyryp jatqanyn atap öttı.
«Bügınde salynyp jatqan nysandarda 600-den astam partiialyq baqylau beketterı ornalastyryldy. Oǧan 12 myŋnan astam partiia müşesı jūmyldyryldy. Mäslihattardaǧy partiia fraksiialarynyŋ jiyndarynda jergılıktı atqaruşy organdardyŋ esebı tyŋdaldy. Sondai-aq, Partiialyq baqylau komitetı atqarǧan jūmys nätijesınde, sailaualdy baǧdarlamany oryndamaǧany nemese tiıstı deŋgeide jüzege asyrmaǧany üşın 36 partiia müşesı partiialyq jauapkerşılıkke tartyldy», – dedı ol.
Sonymen qatar, Mäjılıs deputattary partiianyŋ sailaualdy baǧdarlamasyn jüzege asyrudyŋ keibır punktterı boiynşa, onyŋ ışınde balabaqşalar aşu, aǧaş otyrǧyzu, äleumettık jaǧdaiy osal toptarǧa tūrǧyn üi beru jäne taǧy basqa baǧyttar boiynşa artta qaluşylyq bar ekenıne Ükımet müşelerınıŋ nazaryn audardy.
Jiyndy qorytyndylai kele, «AMANAT» Töraǧasy fraksiia müşelerı men ministrler Prezidenttıŋ sailaualdy baǧdarlamasynyŋ jüielı jüzege asyryluyn baqylaudy küşeituı kerek ekenın atap öttı.
«Är deputat özınıŋ sailaualdy uädeler blogyn mūqiiat taldap, ministrlıktermen tyǧyz jūmys ısteuge tiıs. Qajet bolǧan jaǧdaida biudjettı qarau kezınde ūsynystar engızu kerek. Būl – Prezident Qasym-Jomart Toqaevtyŋ sailaualdy baǧdarlamasy men Joldaularyndaǧy naqty tapsyrmalary, «AMANAT» partiiasynyŋ halyqqa bergen uädelerı jäne Ükımettıŋ eldı damytu, azamattardyŋ äl-auqatyn jaqsartu jönındegı mındettemelerı», – dedı Erlan Qoşanov.
