Bügın deputattardyŋ öŋırlerde jūmysy bastaldy. «AMANAT» partiiasy fraksiiasynyŋ müşelerı Pavel Kazansev, Tatiana Saveleva, Samat Nūrtaza, Marat Başimov jäne Düisenbai Tūrǧanov Astanadaǧy «Tūran» gaz jylu stansiiasynyŋ qūrylysymen tanysty.
Bügınde quaty saǧatyna 250 gigakalorii bolatyn 4 qazandyq salu jūmysy jürıp jatyr. Būl qadam aldaǧy jylu beru mausymynda elordanyŋ Nūra audanynda ornalasqan tūrǧyn üilerdı bıryŋǧai jylumen jabdyqtau jüiesıne qosuǧa mümkındık beredı. Būǧan deiın būl nysandar jeke qazandyqtardy paidalanyp kelgen bolatyn.
«AMANAT» partiiasynyŋ sailaualdy baǧdarlamasy aiasynda jylumen jabdyqtau mäselelerın şeşu maqsatymen «Tūran» GJS qūrylysy jalǧastyryluda. Alǧaşqy qazandyq byltyr paidalanuǧa berıldı.
– Juyrda bız «Jylu energetikasy turaly» zaŋ qabyldadyq. Būl qūjat atalǧan saladaǧy memlekettık qadaǧalaudy küşeituge mümkındık beredı. Osylaişa, jylu jelılerın baqylau qyzmetı jergılıktı atqaruşy organdardan Energetika ministrlıgınıŋ Atom jäne energetikalyq qadaǧalau komitetıne berıldı. Sondai-aq jylu energetikasyn damytudyŋ master-jospary engızılude. Būl qadam saladaǧy jūmysty jüielendıruge jäne retke keltıruge mümkındık beredı. Astanada 2 jyl būryn jylu tapşylyǧy bolǧan edı. Alaida ötken jylytu mausymynda qala alǧaş ret profisitke şyqty. Būǧan «Oŋtüstık-Şyǧys» gaz jylu stansasy men «Tūran» GJS-nyŋ 1 kezeŋı paidalanuǧa berıluı yqpal ettı, – dedı deputat Düisenbai Tūrǧanov.
Deputat Pavel Kazansev jylumen qamtamasyz etu mäselesı şeşılgendıkten, «Tūran» GJS tūrǧyn üi qūrylysyna serpın beretının atap öttı. Qorǧaljyn tas joly boiynda qazandyqty paidalanuǧa beru arqyly jylu tapşylyǧy bar negızgı aumaqtardy jäne Syǧanaq köşesınıŋ oŋtüstıgınde, Tūran daŋǧylynyŋ batysynda ornalasqan bolaşaǧy bar qūrylys aumaqtardy jylumen qamtamasyz etuge mümkındık beredı.
Atap aitqanda, Qazaqstandyq ipotekalyq kompaniianyŋ tūrǧyn üi keşenı salynyp jatqan «Ellington» köpbeiındı otbasylyq oiyn-sauyq turistık aumaǧyna jäne Qorǧaljyn tas joly men Seifullin köşesı arasyndaǧy uchaskege jylu jelılerın jetkızuge bolady. Būl jaŋa tūrǧyn üilerdı, onyŋ ışınde äleumettık nysandardy, sondai-aq kommersiialyq ūiymdardyŋ ǧimarattaryn ıske qosuǧa mümkındık beredı.
– 2023 jyldan berı profisit deŋgeiıne jaqyndap kelemız. Iаǧni, jaŋa üilerdı jylu jelılerıne qosuǧa qatysty eşqandai şekteu joq. Sondai-aq jylu jelılerıne bailanysty aqau da joq. Jaŋadan qosylǧan 3 stansiia qajettı gidravlikalyq rejimdı saqtauǧa mümkındık beredı. Bız Astanany artyq şyǧynsyz jylumen qamtamasyz ete alamyz, – dedı Astana qalasy energetika basqarmasy basşysynyŋ orynbasary Maqsat Esmaǧūlov.
Sonymen qatar, deputattar energetikterdıŋ ūsynystaryn tyŋdady. Onyŋ ışınde elektr energetikasy turaly zaŋǧa da qatysty ūsynystar bar.
Sapar barysynda mäjılısmender öndırıstık jäne äleumettık nysandardy aralap, eŋbek ūjymdarymen kezdesuler, sondai-aq azamattardyŋ jeke mäselelerı boiynşa qabyldaular ötkızedı. Tūrǧyndarmen jüzdesu barysynda deputattar sailauşylardy qabyldanǧan zaŋnamalyq özgerıster turaly habardar etıp, azamattardyŋ tarapynan köterılgen asa maŋyzdy mäselelerdı zerdeleidı. Ärı qarai deputattar Ükımetpen bırge osy mäselelerdı şeşu joldaryn ızdeidı. Deputattardyŋ öŋırlerdegı sapar qorytyndysy küzde Parlament Mäjılısınıŋ jalpy otyrystarynyŋ bırınde jinaqtalady.
