Oral qalasynda su tasqyny saldarynan jalǧyz baspanasy jaramsyz dep tanylǧan taǧy 10 saiajai tūrǧyny baspanaly boldy. Jaŋa päterler demeuşıler qarjysyna satyp alyndy.
Ükımet basşysynyŋ tapsyrmasyna säikes, qarjylyq ūiymdar men demeuşıler öŋırdegı zardap şekken tūrǧyndarǧa qol ūşyn sozyp, kömegın berude.
Batys Qazaqstan oblysynyŋ äkımı Nariman Töreǧaliev Oral qalasynyŋ ortalyǧyndaǧy «Omega» tūrǧyn üi keşenınde bolyp, qonys ielerın baspanaly boluymen qūttyqtady.
«Memleket basşysy su tasqynynan zardap şekken tūrǧyndarǧa tiıstı kömek körsetudı tapsyrǧan bolatyn. Jalǧyz baspanasy bolyp tabylatyn saiajai ielerıne mıne bügın taǧy da bırneşe päterler berıp jatyrmyz. Jalpy osy uaqytqa deiın 750 saiajai tūǧyny baspanaǧa ie boldy. Sondai-aq, Oralda 374 üidıŋ qūrylysy jürıp jatyr»- dep atap öttı oblys äkımı Nariman Töreǧaliev.
Nūrly jol saiajai uchaskesınıŋ tūrǧyny Qaiyrǧali Aitqalidıŋ jalǧyz baspanasy suǧa ketıp, jaramsyz dep tanylǧan. Bügın ol jaŋa päterıne kırdı.
«Köktemgı tasqyn kezınde üiımızdı su basty. 3 ai küttık. Bügın jaŋa päterdıŋ kıltın qolymyzǧa aldyq. Qalanyŋ ortalyǧynda jaŋa üide tūramyz dep kütken joqpyz. Osyndai jaǧdai jasaǧan Memleket basşysyna alǧysymdy bıldıremın», - dedı ol.
Oraldyq saiajai tūrǧyndaryn baspanamen qamtu jūmystary aldaǧy uaqytta da jalǧasyn tabatyn bolady.
