Apattardyŋ bırınde kınälı jürgızuşı kölıgın tastap qaşyp kettı
Almatyda ekı kölık jürıp kele jatqan poiyzdyŋ jolynda qalyp qoidy, zardap şekkender bar, dep habarlaidy qūqyq qorǧau organdary Sputnik Qazaqstanǧa.
Bırınşı jol apaty jeksenbı künı keşke Bekmahanov köşesınde Süiınbai köşesıne jetpei bolǧan. Lada Priora Bekmahanov köşesımen şyǧys baǧytta ketıp bara jatyp, jol keptelısıne tap bolady. Kölık temır joldan öte bergende, poiyz qaǧyp kettı.
Ekınşı jol apaty Lavrenev köşesınde "Jūldyz" şaǧyn audanyna būrylar jerden tömenırek bolǧan. Kuägerlerdıŋ aituynşa, karşering qyzmetıne tiesılı Volkswagen Polo Lavrenev köşesımen soltüstık baǧytta ketıp bara jatqanda, jürgızuşı kenet qarsy betke şyǧyp, qatty jyldamdyqpen kele jatqan Mercedes E kölıgımen betpe-bet soqtyǧysady.
Joiqyn soqqydan Mercedes qarsy bette bırneşe jüz metr jürıp ötıp, alleiadan asyp, poiyz jürıp kele jatqan temır jol üstınde bır-aq toqtady.
Jol apatynan Mercedes jürgızuşısı men jolauşysy zardap şegıp, ärtürlı jaraqatpen auruhanaǧa jetkızıldı. Jalǧa alynǧan kölıktıŋ jürgızuşısı oqiǧa orynan qaşyp kettı. Polisiia apattyŋ män-jaiyn anyqtap, qaşqyn jürgızuşını ızdep jatyr.
"Adyrna" ūlttyq portaly
